Արխիվ- 26.01.2017

Թրամփը սահմանին պատ կառուցելու մասին հրաման է ստորագրել

ԱՄՆ նախագահ Դոնալդ Թրամփը հրաման է ստորագրել Մեքսիկայի հետ սահմանին պատ կառուցելու մասին: Դա առաջին քայլն է ապօրինի միգրացիայի վերաբերյալ նրա նախընտրական խոստումներն իրականացնելու ճանապարհին:

Թրամփը նախկինի պես պնդում է, որ պատի համար պետք է Մեքսիկան վճարի: ABC News-ին տված հարցազրույցում Թրամփը հայտարարել է, որ Մեքսիկան «միանշանակ 100%-ով» ԱՄՆ-ին կփոխհատուցի պատի կառուցումը:

«Մենք բավականին շուտով կսկսենք այդ բանակցությունները: Եվ ինչ-որ ձևով Մեքսիկան կփոխհատուցի այդ ծախսերը», — հայտարարել է Թրամփը:

«Այն, ինչ ես անում եմ, ի բարօրություն Միացյալ Նահանգների եմ անում», — ավելացրել է նա՝ նշելով, որ «ֆիզիկապես անհաղթահարելի» արգելքի կառուցումը սահմանին միլիարդավոր դոլարներ կխնայի և բազմաթիվ կյանքեր կպահպանի, քանի որ վերջ կդնի սահմանային կազմակերպված հանցավորությանը:

Ինչպես հաղորդում է Բի-Բի-Սի-ն, հրամանը ամեն ինչից զատ ենթադրում է նաև 10 հազար նոր աշխատատեղերի կառուցում սահմանի վերահսկման ոլորտում: Թրամփի խոսքով, նրա պլանն ուղղված է նաև ի շահ Մեքսիկայի:

Դիմելով ներքին անվտանգության նախարարության աշխատակիցներին՝ նախագահը հայտարարել է, որ պատը կկանխարգելի ապօրինի ներգաղթաղթյալների և ողջ Հարավային Ամերիկայից նարոկարտելների ներխուժումն ԱՄՆ:

Սահմանային խոչընդոտի կառուցման մասին որոշումն այժմ պետք է հաստատվի Կոնգրեսի կողմից:

Մեքսիկայի նախագահ Էնրիկե Պենյա Նյետոն քննադատել է ԱՄՆ նախագահի որոշումն ու հայտարարել, որ Մեքսիկան պատի համար չի վճարելու: Միաժամանակ նա նշել է, որ մեքսիկական կառավարությունն անում է հնարավոր ամեն ինչ ԱՄՆ տարածքում իր քաղաքացիների իրավունքները պաշտպանելու համար:

Նախագահ Թրամփը նախագահական հրահանգ է սստորագրել նաև անվտանգության միջոցների ամրապնդման վերաբերյալ: Բացի այդ, նա հրահանգել է դադարեցնել այն քաղաքների ֆինանսավորումը, որոնք իրենց մոտ ապօրինի միգրանտների են թաքցնում:

Սպասվում է, որ մոտակա օրերին Թրամփը կհայտարարի ԱՄՆ փախստականների մուտքը ժամանակավորապես արգելելու, ինչպես նաև Սիրիայի, Յեմենի, Իրաքի և Մերձավոր Արևելքի և Աֆրիայի մի շարք երկրների քաղաքացիներին վիզաների տրամադրումը կասեցնլու վերաբերյալ:

Ինչպես հաղորդում է Reuters-ը՝ վկայակոչելով երկու անանանուն պաշտոնյաների, Թրամփը նաև դիտարկում է արտասահմանում բանտերի գաղտնիությունը պրակտիկա վերադարձնելու հնարավորությունն ահաբեկչության համար կասկածյալների համար: