Թոմաս դե Վաալ. «Ռուսթավի-2»-ի գործում Իվանիշվիլիի մատը խառն է
«Ռուսթավի-2»-ի շուրջ իրավիճակը բացասաբար կանդրադառնա Վրաստանի ու նրա միջազգային հեղինակության վրա՝ հատկապես հաշվի առնելով գալիք տարվա ընտրությունները», — կարծում է Կարնեգի հիմնադրամի Կովկասի հարցերով ավագ գիտաշխատող Թոմաս դե Վաալը:
«Հեռուստաընկերության սեփականության իրավունքը նախկին սեփակնատիրոջը վերադարձնելու դատավորի որոշումը, որը բավականին բարդ գործով կայացվել է գիշերը և թույլ չի տալիս բողոքարկման վարույթ սկսել, անկասկած ‘հեռախոսային արդարադատության’ տպավորություն է թողնում: Դա շատ մտահոգիչ է» — ասել է Վաալը՝ մեկնաբանելով իրավիճակը:
Նրա կարծիքով, մի շարք հարցերում, օրինակ, «Ռուսթավի-2»-ի կամ Սաակաշվիլիի և նրա կուսակցության դեմ ուղղված գործողությունների, “մենք տեսնում ենք Իվանիշվիլիի սղված մասնակցությունը:
«Իվանիշվիլին, կարծես, կուլիսներում է որոշումներ կայացնում: Համաձայն եմ, որ դա շատ խնդիրներ է առաջացնում: Ոչ թե այն պատճառով, որ Իվանիշվիլին կատարյալ վերահսկողություն ունի, այլ որովհետև դա նշանակում է, որ վարչապետն ինքը վախենում է որոշումներ կայացնել, և, իրականում, կառավարությունում շատ քչերն են պատասխանատու որոշումներ ընդունում: Այսինքն, մենք ունենք կառավարություն, որն կաշկանդվում է անել այն, ինչ պետք է պետությանը, օրինակ, տնտեսության ոլորտին:
Դե Վաալը նշում է, որ վերջին մի քանի տարիների ընթացքում Վրաստանը որոշակի առաջընթաց է գրանցել հասարակ մարդկանց համար օրենքի գերակայության ուղղությամբ: Սակայն, նրա կարծիքով, Միխեիլ Սաակաշվիլիի ու նրա կուսակցության նկատմամբ “քաղաքականացված արդարադատության բազմաթիվ հատկանիշներ կան, ինչը Միասնական ազգային շարժումը ճզմելու ու ոչնչացնելու փորձի է նման:
“Երկրին անհրաժեշտ է տնտեսական ու քաղաքական զարգացում, այն պետք է նայի դեպի ապագա: Սակայն “Վրացական երազանք կոալիցիայի կառավարությունը “լռվել է անցյալում, կարծես դեռ 2012թ. ընտրություններին պայքարում է ու թշնամություն անում Սաակաշվիլիի հետ — կարծում է փորձագետը:
Դե Վաալն ասում է, որ Վրաստանի դրական կողմերից մեկն մեդիաոլորտում բազմակարծությունն է: “Ես չեմ ասում, թե լրատվության մակարդակը միշտ բարձր է, բայց քաղաքական բազմակարծություն կա, ինչը ենթադրում է ազատ ու ժողովրդավարական քննարկումների հնարավորություն: Եթե «Ռուսթավի-2»-ի նոր տերերը փոխեն խմբագրական քաղաքականությունը, վտանգ է առաջանում, որ հեռուստատեսային հարթությունում գերակշռելու է մեկ կուսակցություն, ինչպես դա եղավ 2007թ. Իմեդի հեռուստաընկերության զավթման պարագայում: Այստեղ հիմնական ընդդիմադիր կուսակցության համար, որի մի քանի անդամներն արդեն բանտում են, տեղ չի լինելու – կարծում է փորձագետը:
