Թբիլիսիի ծծմբային բաղնիքների աշխատակիցների բողոքի ակցիան ուղղված էր ջրի սակագնի զգալի բարձրացմանը՝ 71-ից 90 թեթրի: Սա ջրի առավելագույն սակագինն է, որը հաստատվել է Վրաստանում: Թբիլիսիի ջրամատակարարման պատասխանատու «Վրացջրմուղ» ընկերությունը որոշել է գործող սակագնին ավելացնել նաև գեոթերմալ ջրերի մաքրման արժեքը:
Ծծմբային բաղնիքների սեփականատերերն ասում են, որ բաղնիքների ջուրը պետք է հոսող լինի, և նոր սակագնով վճարելը նրանց ուժերից վեր է: Հավաքվածները պահանջում են, որ ստեղծված իրավիճակի քննարկմանը միանան նաև կառավարության և Թբիլիսիի քաղաքապետարանի ներկայացուցիչները:
Հակառակ դեպքում Աբանոտուբանի թաղամասի ծծմբային բաղնիքները մարտի 17-ին կփակվեն: