Թբիլիսիի բնակելի շենքում տեղի ունեցած հրդեհի հետևանքով երկու մարդ է զոհվել
Դեկտեմբերի լույս 25-ի՝ երկուշաբթի, գիշերը Թբիլիսիի «Դինամո արենա» մարզադաշտին հարող բնակելի համալիրի բնակարաններից մեկում տեղի ունեցած հրդեհի արդյունքում երկու մարդ է զոհվել, երկուսը հիվանդանոց են տեղափոխվել, հաղորդում է Վրաստանի ՆԳՆ Արտակարգ իրավիճակների կառավարման գործակալությունը:
Գերատեսչության տվյալներով՝ տուժածներից մեկը կին է, որի վիճակը գնահատվում է ծանր: Զոհվածներն ու տուժածները մեկ ընտանիքի անդամներ են:
Այս գիշեր Վրաստանի մայրաքաղաքում հրդեհ է բռնկվել նաև Rooms Tbilisi հյուրանոցում, որը տեղակայված է քաղաքի կենտրոնում: Այդ հրդեհի արդյունքում տուժածներ չկան:
