ՀԱՅԵՐԵՆ arrow icon
Աջակցեք մեզ
Աջակցեք մեզ
ՀԱՅԵՐԵՆ arrow icon
messenger vk-black email copy print
Արխիվ-

Երևանի ոստիկանության ՊՊԾ գնդի տարածքը գրաված խմբավորմանը հաց հասցրած Արթուր Սարգսյանը ազատ է արձակվել

messenger vk-black email copy print

2016 թվականի հուլիսի 17-ին ոստիկանության ՊՊԾ գնդի տարածքը գրաված «Սասնա ծռեր» խմբավորմանը հաց բերած Արթուր Սարգսյանը ազատ է արձակվել «Դատապարտյալների հիվանդանոց» ՔԿՀ-ից և տեղափոխվել «Արմենիա» ԲԿ։

Հուլիսի 17-ին մի խումբ զինված անձինք գրավել էին Երևանի ոստիկանության պարեկապահակային գունդը՝ պահանջելով ազատ արձակել մոտ մեկ ամիս առաջ ձերբակալված ընդդիմադիր քաղաքական գործիչ Ժիրայր Սեֆիլյանին: «Հիմնադիր խորհրդարանի» առաջնորդ Ժիրայր Սեֆիլյանը ձերբակալվել էր զենք-զինամթերքի ապօրինի ձեռքբերման, տեղափոխման և պահպանման համար: Ապստամբները պահանջներն էին Սեֆիլյանի ազատ արձակումը  և ՀՀ նախագահ Սերժ Սարգսյանի հրաժարականը:

Հուլիսի 26-ի առավոտյան ժամը 7-ի սահմանում Արթուր Սարգսյանը, իր անձնական օգտագործման մեքենայով ճեղքել էր ոստիկանական արգելապատնեշը և սնունդ հասցնել խմբի անդամներին: Արթուր Սարգսյանին, ում լրատվամիջոցներում սկսեցին անվանել «Հաց բերող», մեղադրանք է առաջադրվել ՊՊԾ գնդի տարածք մուտք գործելու, նշված ստորաբաժանման վարչական շենքը և հարակից տարածքը զավթելու, պահելու մեջ:

Հուլիսի 31-ին զինյալների խումբը հանձնվեց:

Արթուր Սարգսյանի՝ խափանման միջոց կալանավորումը փոփոխելու և անձնական երաշխավորությունը որպես խափանման միջոց կիրառելու խնդրանքով գլխավոր դատախազին են դիմել Ազգային ժողովի «Բարգավաճ Հայաստան», «Հայ Ազգային Կոնգրես», «Օրինաց Երկիր», «Հայ Հեղափոխական Դաշնակցություն», «Ժառանգություն» խմբակցությունների և խմբակցություններում և պատգամավորական խմբերում չընդգրկված 27 պատգամավոր:

Մարտի 6-ին ՀՀ գլխավոր դատախազը հանդիպել է այդ պատգամավորներից 6-ի հետ ծանոթացրել Սարգսյանին առաջադրված մեղադրանքներին, ներկայացրել անձնական երաշխավորություն խափանման միջոցի կիրառման կարգը, երաշխավորողների իրավունքներն ու պարտականությունները, ինչպես նաև երաշխավորողների պատասխանատվությունը:

Պատգամավորներին հնարավորություն է տրվել «Դատապարտյալների հիվանդանոց» քրեակատարողական հիմնարկում այցելել Սարգսյանին, ապա կամ հաստատել իրենց խնդրանքը, կամ հրաժարվել դրանից:

Ինչպես հայտնում է Ա1 plus-ը, Արթուր Սարգսյանին ազատ արձակելու համար 6 պատգամավորները ոչ միայն անձնական երաշխավորագիր են ներկայացրել, այլև մուծել 500 հազարական դրամ՝ որպես գրավ։

Գլխավոր դատախազը որոշում է կայացրել Արթուր Սարգսյանի նկատմամբ կիրառված խափանման միջոց կալանավորումը փոփոխելու և անձնական երաշխավորություն խափանման միջոց կիրառելու մասին: Որոշումն ուժի մեջ մտնելուց հետո «Հաց բերողը» ազատ է արձակվել «Դատապարտյալների հիվանդանոց» ՔԿՀ-ից և տեղափոխվել «Արմենիա» ԲԿ։

Պաշտպան Տիգրան Եգորյանը հայտնում է, որ նրա առողջական վիճակը գնահատվում է ծանր։

Մինչև փետրվարի 9-ը Արթուր Սարգսյանի նկատմամբ կիրառվել է ստորագրություն չհեռանալու մասին խափանման միջոցը: Սակայն փետրվարի 9-ին դատարանը որոշել էր փոխել վերջինիս հանդեպ կիրառված խափանման միջոցը և երկու ամսով կալանավորել նրան` պատճառաբանելով, որ վերջինս խախտել է ՀՀ քրեական դատավարության օրենսգքի 131-րդ հոդվածը, այն է` խախտել էր իր նկատմամբ կիրառված ստորագրություն չհեռանալու մասին խափանման միջոցի պայմանները: Ի պատասխան, «Հաց բերողը» դիմել էր հացադուլի, որը տևեց 23 օր և հանգեցրեց առողջական ծանր վիճակի:

ԱՌԱՎԵԼ ԿԱՐԴԱՑՎԱԾ

ԼՈՒՐԵՐ

Մուլտիմեդիա