Եվս երեք մարդ է կորոնավիրուսով վարակվել Ադրբեջանում․ այժմ երկրում նրանց թիվը հասնում է վեցի

Ադրբեջանում  կորոնավիրուսով վարակվելու ևս երեք դեպք է հայտնաբերվել։ Վարակվածներից մեկը Գերմանիայի քաղաքացի է, մյուս երկուսն՝ Ադրբեջանի։

Բոլոր երեքը հատուկ ռեժիմով հիվանդանոցում են, նրանց վիճակը բավարար է, գրում է Report–ը։

Այժմ երկրում վարակվածների ընդհանուր թիվը հասնում է վեցի։ Նրանք բոլորն Իրանից են վերադարձել։

Իրանի հետ Ադրբեջանի սահմանը փակ է, սակայն միջանցք է մնացել, որպեսզի երկու երկրների քաղաքացիները կարողանան հայրենիք վերադառնալ։

• Հակասանիտարական պայմաններ, չկա ջուր և հողաթափեր. Ինչի՞ց են դժգոհում կարանտինի մեջ գտնվողներն Ադրբեջանում

• Կորոնավիրուսի չորրորդ դեպքը Վրաստանում։ Վարակվածն Իտալիայից է վերադարձել