ԵԱՀԿ-ն պահանջել է հետ քաշել տեխնիկան և թույլ տալ տարհանել Ղարաբաղում զոհվածների մարմինները

ԵԱՀԿ ղարաբաղյան հակամարտության հարցերով Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Ռիչարդ Հոգլանդը (ԱՄՆ) պահանջում են զինտեխնիկան ետ քաշել և զոհվածների մարմինները տարհանելու հնարավորություն ստեղծել:

Այդ մասին ասված է կազմակերպության մամուլի ծառայության կողմից կիրակի տարածած հաղորդագրությունում:

Հայաստանի և Ադրբեջանի պաշտպանության նախարարություններից, ինչպես նաև այլ աղբյուրներից ստացված տեղեկատվության համաձայն՝ փետրվարի 25-ի վաղ առավոտյան շփման գծում տեղի է ունեցել հրադադարի լուրջ խախտում, ինչը մարդկային զոհերի է բերել: Որոշ մարմիններ գտնվում են չեզոք գոտում, կողմերը միմյանց մեղադրում են հարձակման համար:

«Համանախագահները կոչ են անում թողնել ավելի վաղ շփման գծին ավելի մոտ տեղափոխած զինտեխնիկան իր նախկին դիրքում և զոհվածների մարմինների տարհանում ապահովել, իչպես երեկ համաձայնեցվել է ԵԱՀԿ գործող նախագահի անձնական ներկայացուցչի միջնորդությամբ», — ասված է հայտարարությունում:

Համանախագահները պնդում են, որ կողմերը կատարեն ուժի կիրառումից զերծ մնալու իրենց պարտավորությունները, ասված է հաղորդագրությունում: