ՀԱՅԵՐԵՆ arrow icon
Աջակցեք մեզ
Աջակցեք մեզ
ՀԱՅԵՐԵՆ arrow icon
messenger vk-black email copy print
Արխիվ-

Գալի շրջանի բնակիչները բողոքում են սահմանային անցակետերի փակման դեմ

messenger vk-black email copy print
Այսօրվանից վրաց-աբխազական սահմանին փակվել են 6-ից 4 անցակետերը: Աբխազիայի իշխանությունները պլանավորում են արդյունքում միայն մեկը թողնել՝ Ինգուրի կամրջի անցակետը:
Այդ որոշման հետ կապված Աբխազիայի Գալի շրջանի մոտ 120 բնակիչ այսօր բողոքի ակցիայի էին դուրս եկել և Նաբակիա բնակավայրում փակել ճանապարհը: Հենց այստեղ էր գտնվում մինչ այժմ գործող անցակետերից մեկը, որն այսօրվանից փակվել է:
Տեղացիների խոսքով՝ նրանց համար դժվար կլինի հասնել արդեն միակ «Ինգուր» անցակետ. շատերը ստիպված կլինեն Ավտոբուսով 15-30կմ անցնել, այնուհետև գրեթե 800 մետր ոտքով քայլել Ինգուրի կամրջով դեպի վրացական սահման:
Ցուցարարների հետ հանդիպել են շրջանի ուժային կառույցների ներկայացուցիչները, որից հետո բնակիչները ցրվել են:
«Մեկից բացի մնացած բոլոր անցակետերը փակելու պահանջն Աբխազիայի քաղաքացիների ճնշող մեծամասնության պահանջն էր: Իշխանությունները երկու տարի ծախսեցին այդ պահանջն ու խոստացվածն իրականացնելու համար», — «Ապսնիպրես» գործակալությանն ասել է Գալի շրջանի ադմինիստրացիայի ղեկավար Թեմուր Նադարայան:
Նա ընդգծել է, որ Աբխազիայի իշխանությունները շատ բան են արել Գալի շրջանի բնակիչների համար այս որոշման հետևանքները թեթևացնելու համար:
«Պետությունը 153մլն ռուբլի (2,5 մլն դոլար) է ներդրել, որ գալցիների համար հարմար լինի «Ինգուր» անցակետ հասնել վերանորոգված ճանապարհով: Հասարակական տրանսպորտ է գործարկվել: Ավելացվել է անցակետի թողունակությունը: Դժգոհները մեծ մասամբ նրանք են, ովքեր մաքսանենգությամբ և ապօրինի բիզնեսով էին զբաղվում», — ասել է Նադարայան:
Աբխազիայի կառավարության որոշման համաձայն՝ այսօրվանից Ինգուր գետի հատվածում վրաց-աբխազական սահմանին ընդամենը 2 անցակետ կմնա: Ներքին գոտում ժամանակավորապես կգործի «Աբերկիտ» անցակետը: Ավելի ուշ պլանավորվում է թողնել միայն Ինգուր գետի անցակետը:
Հոդվածում արտահայտած կարծիքները փոխանցում են հեղինակի տերմինաբանությունն ու հայացքներն ու պարտադիր չէ, որ արտացոլեն խմբագրության դիրքորոշումը: 

ԱՌԱՎԵԼ ԿԱՐԴԱՑՎԱԾ

ԼՈՒՐԵՐ

Մուլտիմեդիա