«Գազպրոմը» գազաֆիկացնում է Հարավային Օսիան

Խոշորագույն ռուսական «Գազպրոմ» գազային ընկերությունն իր վրա պարտավորություն է վերցրել ամբողջությամբ գազաֆիկացնել Հարավային Օսիան մինչև 2019թ-ի ավարտը:

Ընդ որում, բնական գազի գինը կբարձրանա. ներկայիս 4.27 ռուբլին մեկ կուբամետրի դիմաց կվերածվի 5.47 ռուբլու մեկ կուբամետրի դիմաց [մոտ $0.09], այսինքն՝ սակագինը կլինի նույնքան, որքան այսօր վճարում են Հյուսիսային Օսիայի բնակիչները:

Այդ պայմանավորվածությունը ձեռք է բերվել Հարավային Օսիայի նախագահ Անատոլի Բիբիլովի և «Գազպրոմի» ղեկավար Ալեքսեյ Միլերի Մոսկվայում կայացած հանդիպման ժամանակ, հաղորդում է Հարավային Օսիայի նախագահի մամուլի ծառայությունը:

«Սեպտեմբերին համաձայնագիր կստորագրվի «Գազպրոմի» հետ, և հաջորդ տարվանից կսկսվի հանրապետության գազաֆիկացումը: «Գազպրոմը» պատրաստ է ֆինանսավորել գազային ցանցերը Հարավային Օսիայի տարածքում ավելի քան 2.5 մլրդ ռուբլու [մոտ $415

Այսօրվա դրությամբ Հարավային Օսիայում գազով ապահովված են միայն Ցխինվալի բնակիչները:

Գազը հանրապետություն մտնում է Ռուսաստանից Ձուարիկաու-Ցխինվալ գլխավոր գազատարով, որը կառուցվել է 2007-2009թթ-ին:

Հրապարակման մեջ տեղ գտած տերմինները, տեղանունները, մտքերը և գաղափարները պարտադիր չէ, որ համընկնեն JAMnews-ի կամ նրա առանձին աշխատակիցների կարծիքների և գաղափարների հետ: JAMnews-ն իրավունք է վերապահում հեռացնել հրապարկումների վերաբերյալ արված այն մեկնաբանությունները, որոնք կգնահատվեն որպես վիրավորական, սպառնալիք պարունակող, բռնություն հրահրող կամ այլ պատճառներով էթիկապես անընդունելի: