Ուղղաթիռով և ինքնաձիգով նախագահ․ ցույցերի հերթական շարքը Բելառուսում

Օգոստոսի 23–ը՝ Բելառուսի ցույցերի 14–րդ օրն, ընդդիմությունընախագահական ընտրությունների արդյունքների կեղծման և դրան հետևած բռնաճնշումների դեմ զանգվածային ակցիաներով է նշել։ Իշխանությունները պատախանել են բանակի մոբիլիզացիայով, իսկ նախագահ Լուկաշենկոն հանրությանն է ներկայացել զենքով։

Կես միլիոն ցուցարար

Մոտավոր հաշվարկներով՝ Մինսկում փողոց է դուրս եկել մոտ 250 հազար մարդ։ Դա ավելին է, քան նախորդ կիրակի։

Զգալիորեն աճել է ցույցերի մասնակիցների թիվը շրջաններում։ Միայն Գրոդնոյում Լուկաշենկոյի դեմ ակցիային մասնակցել է 100 հազար մարդ։

• Ի՞նչ հնարավորություններ ունեն Բելառուսի իշխանությունն ու ընդդիմությունը հաղթելու համար։ Վերլուծություն

• Գործադուլներ, Եվրոպայի աջակցություն, ռուսական միջամտության սպառնալիք․ ի՞նչ է կատարվում Բելառուսում

• Nexta Telegram-ալիքը փաստացի գլխավորել է Բելառուսի ցույցերը։ Ովքե՞ր են նրա թիմն, ու ինչպե՞ս է դա աշխատում

Ընդհանուր առմամբ, ողջ երկրում ցուցարարների թիվը հասել է կես միլիոնի։

Մինսկի զանգվածային ակցիայից մեկ օր առաջ իրենց հանրահավաքն են կազմակերպել նրանք, ովքեր վերջին մեկ շաբաթում կալանավորվել և կկտանքների են ենթարկվել բանտերում։ Նրանք կանգնել են բանտի դիմաց՝ գետնին գծելով իրենց բանտախցերի չափսերը՝ ցույց տալու համար, թե ինչպես է իրեն զգում 50 մարդ, որոնց գցել են չորս հոգու համար նախատեսված բանտախուց։

Երթը հասել է մինչև Անկախության պալատ՝ Լուկաշենկոյի նստավայր։

Ձերբակալվածներից մի քանի տասնյակ մարդ նախկինի պես անհետ կորած է համարվում։

Անհետ կորածների ցուցակից ևս մեկ մարդ՝ արդեն չորրորդը, ծեծված և կախված է հայտնաբերվել Մինսկի մերձակայքում գտնվող անտառում։

Այսօրվա ամենապոպուլյար կարգախոսն է՝ «Տրիբունալ Լուկաշենկոյի համար»։

Ինքնաձիգով նախագահ

Նախորդ շաբաթ Լուկաշենկոն շրջաններում իր կողմնակիցների հանրահավաքներ էր անցկացնում և հավաքվածներին պատմում, որ երկրին սպառնում է ՆԱՏՕ–ի ներխուժում։

Նա հանդիպել է նաև հատուկ ծառայության սպաների հետ, խոստացել «չհանձնել երկիրը թմրամոլներին և անբաններին»։

Տեղի իշխանություններից պահանջել է փակել ձեռնարկությունները, որոնցում գորածդուլներ են սկսվել։

Օգոստոսի 23–ին ելույթ է ունեցել Բելառուսի պաշտպանության նախարարը։ Նա հայտարարել է, որ չի կարող հանգիստ հետևել «նացիստական դրոշի ներքո» ելույթներին․ խոսքը Բելառուսի պատմական կարմիր–սպիտակ դրոշի մասին է, որը ցույցերի խորհրդանիշն է դարձել։

Մինսկում բողոքի տրամադրությունների ամենաթեժ պահին Լուկաշենկոյի մամուլի ծառայությունը տեսանյութ է ցուցադրել, որում նախագահը մայրաքաղաքի նստավայր է ժամանում իր որդի Նիկոլայի հետ։ Երկուսի ձեռքին էլ ինքնաձիգ կա։ Այնուհետև՝ ցուցարարների հեռանալուց հետո, զինված Լուկաշենկոն դուրս է եկել ողջունելու հատուկջոկատայիններին, որոնք պահպանում են իր նստավայրը։

Միջազգային արձագանքը

150 հազար մարդ է Լիտվայում դուրս եկել «Բալթյան ուղի» ակցիային՝ ի աջակցություն Բելառուսի ցուցարարների։ Դա 30–ամյա վաղեմության պատմական ակցիայի կրկնությունն է, որը կայացել է Բալթիկ երկրներում 1990 թ–ին՝ ի աջակցություն ԽՍՀՄ–ից դուրս գալու։

Երկուշաբթի Լիտվա է ժամանում ԱՄՆ պետքարտուղարի տեղակալը՝ Սվետլանա Տիխանովսկայայի հետ բանակցությունների համար, որն իրեն ընտրություններում հաղթող է հայտարարել։ Այնտեղից նա Մոսկվա կմեկնի բանակցությունների։

Ուկրաինայի նախագահ Զելենսկին հայտարարել է, որ Լուկաշենկոյի փոխարեն ինքը նոր ազատ նախագահական ընտրություններ կանցկացներ։

Եվրամիության արտաքին քաղաքականության և անվտանգության քաղաքականության գերագույն ներկայացուցիչ Ժոզեպ Բորելը հայտարարել է, որ Եվրամիությունը չի ճանաչում Լուկաշենկոյին այնպես, ինչպես Վենեսուելայի նախագահ Նիկոլաս Մադուրոյին։ Այնուամենայնիվ, շարունակելու է աշխատել նրա հետ։

Ի աջակցություն Բելառուսի ակցիաներ են անցկացվել բոլոր եվրոպական մայրաքաղաքներում և Նյու Յորքում։