Բելառուսում բելառուսերենով սովորող դպրոցականների թիվը կրճատվել է երկու անգամ տասը տարվա ընթացքում

EURORADIO-Ի ՆՅՈՒԹԵՐԻ ՀԻՄԱՆ ՎՐԱ

Վերջին տասը տարվա ընթացքում Բելառուսում բելառուսերեն սովորող դպրոցականների թիվը կրկնակի կրճատվել է: Այժմ նրանք կազմում են սովորողների ընդամենը 13%-ը: Այդ մասին տվյալներ է բերում Եվրոռադիոն:

Ներկա պահին Բելառուսում հազարից ավել դպրոց կա բելառուսերենով ուսուցմամբ: Դա հիմնականում սակավակոմպլեկտ գյուղական դպրոցներն են: Մինսկում մայրենի լեզվով սովորում են միայն տասը դպրոցում:

Ինչպես Եվրոռադիոյին հայտարարել է Բելառուսի վարչապետ Վասիլի Ժարկոն, «դպրոցներում երեխայի ցանկությամբ կարելի է սովորել բելառուսերեն և ռուսերեն դասագրքերով: Երկու տեսակ դասագրքեր էլ կան»:

Սակայն կրթության նախարարությունում Եվրոռադիոյի հարցին պատասխանեցին, որ ռուսերենով ուսուցմամբ դպրոցներում աշակերտները կարող են բելառուսեերնով սովորել, «սակայն հարցերին պատասխանել և քննություններ պետք է հանձնեն ռուսերենով»:

Բացի այդ, ռուսաց լեզվով ուսուցման դպրոցները բելառուսերենով դասագրքեր չեն ստանում, աշակերտները դրանք պետք է իրենց հաշվին գնեն: Դա Եվրոռադիոյին հաստատել են մայրաքաղաքի դպրոցներից մեկի ադմինիստրացիայում:

«Բելառուսերենով դասագրքեր են հայտնվում, երբ բելառուսական դասարան բացելու հստակ հրաման կա: Այդ պատճառով էլ դրանք պետք է առանձին պատվիրել», — բացատրում են դպրոցում: