Բաքվում Baku Card քաղաքային վճարային քարտ է ներմուծվում

Բաքվում շուտով կներդրվի Baku Card պաշտոնական քաղաքային քարտը: Այն մարդկանց հնարավորություն կտա անվճար կամ մեծ զեղչով օգտվել քաղաքային տրանսպորտից, այցելել Բաքվի թանգարաններ, տարբեր մշակութային կենտրոններ, գնումներ կատարել խանութներից:

Փետրվարի 27-ին քաղաքային քարտի շնորհանդես են անցկացրել Զբոսաշրջության պրոպագանդայի ազգային բյուրոն, Բաքվի տրանսպորտային գործակալությունն ու PASHA Travel ընկերությունը: Նոր Baku Card-ը նախատեսված է, առաջին հերթին, զբոսաշրջիների համար, սակայն դրանից կարող են օգտվել նաև մայրաքաղաքի բնակիչները:

24-ժամյա գործողությամբ քարտի արժեքը 35 մանաթ է (17,5 եվրո);

72-ժամյա գործողության քարտինը՝ 60 մանաթ (30 եվրո);

Մեկ շաբաթյա գործողության քարտինը՝ 90 մանաթ (45 եվրո):

Քաղաքային քարտի համեմատաբար բարձր գինը սոցցանցերում քննարկման առարկա է դարձել: Ֆեյսբուքի օգտատերերի մեկը հիշեցրել է, որ Բեռլինում մեկ շաբաթյա այդպիսի քարտն արժե 30 եվրո, և դա այն դեպքում, երբ Գերմանիայի մայրաքաղաքում բավականին բարձր են տրանսպորտի գներն, ու շատ են տարբեր հետաքրքիր թանգարաններն, ի տերաբերություն Բաքվի:

Զբոսաշրջության զարգացման բյուրոյի մամուլի ծառայության ղեկավար Քենան Գուլուզադեն ասել է.

«Գինը գոյացել է ծառայությունների փաթեթի և շուկայի հնարավորությունների հիման վրա»

JAMnews-ի այն հարցին, թե արդյոք տենդեր է անցկացվել, Գուլուզադեն պատասխանել է.

«Տենդեր չի եղել: Քաղաքային քարտի ստեղծման մասին հայտարարվել էր դեռևս 2016 վերջին, երբ նախագահը հաստատել էր «Ադրբեջանում զբոսաշրջության զարգացման ճանապարհային քարտեզը»: Այդ օրվանից ընդամենը մեկ առաջարկ ենք ստացել PASHA Travel-ից, որն էլ որպես հիմք ենք ընդունել»:

PASHA travel-ը PASHA Holding-ի մի մաս է, որի հիմնական սեփականատերն, ըստ Հետաքննող լրագրողների կազմակերպության՝ OCCRP (organized crime and corruption reporting project), Ադրբեջանի նախագահի աներ Արիֆ Փաշաևն է: