Բաքվում տեղի է ունեցել Իսլամական համերաշխության խաղերի պաշտոնական բացումը
Իսլամական համերաշխության 4-րդ խաղերի բացման պաշտոնական արարողությունն անցկացվեց մայիսի 12-ին Բաքվի Օլիմպիական մարզադաշտում:
Արարողության ծրագրում ներառված էին բեմականացված կոմպոզիցիաներ, որոնք արտացոլում են Արևելքի, մուսուլմանական աշխարհի պատմության հիմնական պահերը: Բացման արարողությանը մասնակցում էր ավելի քան 5 հազար մարդ 31 երկրից, օգտագործվել է 8 երկրի արտադրության բեմական սարքավորում: Բացման արարողության բեմադրումն արել է բրիտանական ընկերությունը, որը պատասխանատու էր 2012թ-ի Լոնդոնի օլիմպիադայի բացման համար:
Շոուի ավարտին հանդիսատեսին սպասում էր գունեղ հրավառություն: Ճայթռուկներն Օլիմպիական մարզադաշտի երկնքում լուսավորեցին «Բաքու-2017» բառերը:
Արարողությանը ներկա էր Ադրբեջանի նախագահ Իլհամ Ալիևն ու Ադրբեջանի փոխնախագահ Մեհրիաբն Ալիևան, արտասահմանյան պետությունների, միջազգային կազմակերպությունների և դաշնությունների պաշտոնական ներկայացուցիչներ և այլ բարձրաստիճան հյուրեր: Մարզադաշտի այցելուներից բացի բացումը հնարավորություն ունեին տեսնելու նաև 4 աշխարհամասերի հեռուստադիտողներ, արարողությունը հեռարձակվում էր ուղիղ եթերով:
- Իսլամական համերաշխության IV խաղերն անցկացվում են Բաքվում 2017թ-ի մայիսի 12-ից 22-ը:
- Խաղերի մարզական ծրագրում ներառված է 20 մարզաձև, այդ թվում՝ 17 օլիմպիական և 3 ոչ օլիմպիական:
- Խաղերին մասնակցում է 54 երկրի ներկայացուցիչ, ավելի քան 3 հազար մարզիկ:
JAMnews-ի էքսկլյուզիվ լուսանկարները բացման արարողությունից:
