Բաքվում սկսվել է բլոգեր Ալեքսանդր Լապշինի դատավարությունը

Հունիսի 22-ին Բաքվի ծանր հանցագործությունների դատարանում կայացել է բլոգեր Ալեքսանդր Լապշինի դատավարության առաջին նիստը: Բլոգերը մեղադրվում է պետական սահմանի ապօրինի հատման և Ադրբեջանի տարածքային ամբողջականության խախտման կոչերի համար:

Նիստը նախապատրաստական բնույթ էր կրում: Նիստին մասնակցում էին Ադրբեջանում Իսրայելի, Ուկրաինայի և Ռուսաստանի դեսպանությունների ներկայացուցիչները: Իրավապաշտպաններից դատարանի դահլիճ թույլ էին տվել մտնել մոնիթորինգային խմբի ակտիվիստներ Սայիդա Գոջամանլիին և Սաադատ Բանանիարլիին: Անկախ մամուլի ներկայացուցիչներին թույլ չէին տվել մտնել դահլիճ:

Ընդմիջումից հետո դատավոր Ալովսաթ Աբասովը հիմնական դատավարության առաջին նիստը նշանակել է հունիսի 30-ին:

Բլոգերի փաստաբան Էդուարդ Չեռնինը խափանման միջոցը փոխելու համար միջնորդություն չի ներկայացրել: «Եկեք իրական դատենք. Ադրբեջանում նա բնակության վայր չունի, որտեղ կարող է մնալ: Առողջական վիճակը նորմալ է, բայց բժիշկների վերահսկողության տակ է և շարունակում է մնալ ՔԿՀ բուժկետում», — փաստաբանի խոսքերն է մեջբերում «Կավկազսկի ուզելը»՝ վկայակոչելով նիստի անանուն մասնակցի:

Այն հարցին, թե արդյոք Լապշինն իրեն մեղավոր է համարում, փաստաբան Չեռնինն ասել է, որ «նա իրեն մասամբ մեղավոր է համարում», քանի որ իրոք այցելել է Լեռնային Ղարաբաղի տարածք՝ շրջանցելով ադրբեջանական օրենքները: Սակայն փաստաբանը հավելել է, որ իր պաշտպանյալն արել է դա «ճանաչողական նպատակով» և որ նա հարգում է Ադրբեջանի տարածքային ամբողջականությունը, փոխանցում է «Թուրան» գործակալությունը:

Բլոգեր Ալեքսանդր Լապշինը կալանավորվել է Բելառուսում 2016թ-ի դեկտեմբերին Ադրբեջանի պահանջով: Փետրվարի 7-ին նա արտահանձնվել է Բաքու, որտեղ նրան մեղադրանք է առաջադրվել ՔՕ 2 հոդվածներով՝ պետական սահմանի ապօրինի հատում և պետության դեմ ուղղված կոչեր: Այդ երկու հոդվածով բլոգերին մինչև 8 տարվա ազատազրկում է սպառնում:

Լապշինի գործի մասին ավելի մանրամասն կարել է կարդալ JAMnews-ի հոդվածում:

65148191_2292267540889866_8853545872013656064_n