Բաքվում մեկնարկել է տանգոյի փառատոն

Հոկտեմբերի 4-ին Բաքվում մեկնարկում է տանգոյի փառատոն Ադրբեջանում Արգենտինայի դեսպանատան աջակցությամբ: Փառատոնը կտևի երեք օր:

Բաքվի տարբեր պարահրապարակներում փառատոնի շրջանակում անվճար սեմինարներ կանցկացվեն: Ադրբեջանցի, վրացի և արգենտինացի ինստրուկտորները տանգոյի և արգենտինական ֆոլկլորի բաց դասեր կանցկացնեն, տանգո—պերֆորմանսներ կցուցադրեն, իսկ ցանկացողները կարող են մասնավոր դասերի գրանցվել: Փառատոնի շրջանակում կազմակերպվելու են միլոնգներ՝ արգենտինական տանգոյի երեկոներ և տանգո—մարաթոն, գրում է ԱզերԹաջը:

Տանգոյի ադրբեջանցի ուսուցիչներ Իլհամ Օսմանովն ու Ալֆիա Սուլթանովան, ինչպես նաև Վրաստանի պարային ստուդիաներից հրավիրված ուսուցիչները դասընթացներ կանցկացնեն ինչպես սկսնակների, այնպես էլ այդ պարի կատարման տեխնիկային տիրապետողների համար: