Բաքվում կենդանիների առաջին ապաստարանը հայտարարել է փակվելու մասին
Ադրբեջանում հիվանդ և թափառական կենդանիների առաջին ապաստարանը՝ Կենդանիների պահպանման ադրբեջանական կենտրոնը (aarc.az) հայտարարել է իր մոտալուտ փակման մասին: Պատճառը գլխավոր դոնորի կողմից ֆինանսական աջակցության դադարեցումն է:
Ապաստանի աշխատակիցն անանուն կերպով հաղորդել է, որ փետրվարի 28-ն ապաստարանի աշխատանքի վերջին օրն է, հաղորդում է Sputnik Azerbaijan գործակալությունը: Սակայն ապաստարանի ղեկավարությունը ֆեյսբուքյան իր էջում վստահեցրել է, որ այն գործելու է մինչև այն պահը, երբ խնամքի կարիք ունեցող վերջին կենդանին ապաստան գտնի:
Ներկա պահին կենտրոնում մոտ 200 ընտանի կենդանի է ապրում: Այնտեղ աշխատող անասնաբույժները փորձում են հրատապ կերպով տեղավորել կենդանիներին, որպեսզի նրանք փողոցում հայտնվելով չմահանան: Կենտրոնը փորձում է առաջին հերթին տեղավորել հիվանդ և թույլ կենդանիներին, քանի որ նրանք ավելի քիչ շանսեր ունեն բնության մեջ կենդանի մնալու:
АARC-ը հիմնադրվել է 2009թ-ին և Բաքվում կենդանիների փրկության առաջին պաշտոնապես գրանցված կենտրոնն է: Կազմակերպությունը գործում էր որպես կենդանիների պահպանման 100% բարեգործական ապաստարան: Հիմնադիրը Հեդիե Ռոշանզամիրն է, որը 20 տարի Ադրբեջանում է ապրել:
2017թի մարտից Բաքվում գործում է կենդանիների ևս մեկ ապաստարան՝ «Նոյյան տապանը», որի հիմնադիրը IDEAհասարակական միավորումն է (Բնապահպանության հարցերով միջազգային երկխոսություն), որը գլխավորում է Ադրբեջանի նախագահի ավագ դուստր Լեյլա Ալիևան:
