Արտասահմանցիների կողմից երեխաների ապօրինի որդեգրման գործով ձերբակալվել է Հայաստանի գլխավոր մանկաբարձը

Արտասահմանցիների կողմից երեխաների ապօրինի որդեգրման գործի շրջանակում Հայաստանում մի քանի մարդ է ձերբակալվել։ Նրանցից մեկը երկրի գլխավոր մանկաբարձ-գինեկոլոգ Ռազմիկ Աբրահամյանն է։ Հանրությունը նրան անվանում է Հանրապետական ծննդատան տնօրեն։

Ըստ գործի նյութերի՝ հանցավոր սխեմայի մեջ ներգրավված անձինք մայրերին ներշնչել են, որ իրենց երեխաները հիվանդ են և ավելի լավ է հրաժարվել նրանցից։ Որոշ մայրերի ասել են, թե իբր նրանց երեխաները մահացել են ծննդաբերության ժամանակ։

Արդյունքում՝ այդ երեխաներին որդեգրման են հանձնել, մեծ մասամբ՝ արտասահմանցիների։

Մասնավորապես, տեղեկություններ կան ավելի քան երեսուն երեխաների մասին, որոնք խնամակալության են հանձնվել իտալացի խորթ ծնողների։ Նրանց որդեգրման ընթացակարգը տեղի է ունեցել օրենսդրության կոպիտ խախտումներով։

Մտավախություն կա, որ երեխաներին որդեգրել են օրգանների վաճառքի համար, սակայն այս մասին դեռ ստույգ տեղեկություններ չկան։

• Թե ինչպես է հանցավոր խումբը Հայաստանում արտասահմանցիների կողմից երխաների ապօրինի որդեգրման սխեմա ստեղծել

• Ի՞նչ է տեղի ունենում Հայաստանում այն անձանց չափահաս դառնալուց հետո, որոնց ողջ կյանքն անցել է մանկատներում

Գործի մանրամասները

«Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի» տնօրենի ձերբակալման մասին որոշումն ընդունվել է արտասահմանցիների կողմից երեխաների ապօրինի որդեգրման գործի հետաքննության շրջանակում։ Ռազմիկ Աբրահամյանը կասկածվում է երեխաներին ծնողներից ապօրինի կերպով բաժանելու համար, ինչը կատարվել է մի խումբ անձանց հետ նախնական պայմանավորվածութամբ։

2019 թ-ի նոյեմբերին Հայաստանի Ազգային անվտանգության ծառայությունն Իտալիայից խորթ ծնողների կողմից երեխաների ապօրինի որդեգրման սխեմա էր բացահայտել։

Պարզվել էր, որ մայրերի վարա ճնշում էր գործադրվել՝ հոգեբանական և բարոյական, որպեսզի նրանք հրաժարվեն իրենց երեխաներից։ Հանցակիցները որպես զոհ են ընտրել կանանց, որոնք ինչ-ինչ անձնական պատճառներով կամ սոցիալական խնդիրների հետևանքով պատրաստվում էին ընդհատել հղիությունը։

Որոշ դեպքերում կանանց սպառնացել են բացահայտել հղիության փաստը։ Դեպքեր են եղել նաև, երբ մայրերին վստահեցրել են, որ երեխան հիվանդ է ծնվել։ Ընդ որում, տեղեկությունը կամ չի համապատասխանել իրականությանը, կամ մեծապես չափազանցվել է։

Ծննդաբերությունից հետո հանցագործները փաստաթուղթ են ստացել երեխայից հրաժարվելու մասին, նորածիններին տեղափոխել մանկատներ, հաճախ՝ կեղծ «ախտորոշումների» հիման վրա։

Արտասահմանցիների կողմից հայ երեխաների որդեգրման չափազանց մեծ քանակի մասին խոսակցությունները սկսվեցին 2019 թ-ի հունվարին։

Այդ պահի դրությամբ փոխվարչապետի պաշտոնակատար Արարատ Միրզոյանը հայտարարել էր, որ մանկական օրգանների վաճառքի նպատակով երեխաների որդեգրման փաստեր կան․

«Իմ աշխատելու ժամանակ փորձել ենք համառորեն բացահայտել, բայց կծիկը չենք կարողացել քանդել: Եվ ես անընդհատ զգացողություն ունեի, որ այստեղ մի բան այն չէ։ Ամեն ինչ մոտ է բացահայտման, սակայն ես այդպես էլ չկարողացա զգալի արդյունքների հասնել։ Փողերը, որոնց մասին խոսում ենք, սկսվում են ծննդատներից և շարունակվում այլ հաստատություններում, սա միայն այսբերգի գագաթն է»։

Էլ ո՞վ է ներգրավված այս գործում

Ռազմիկ Աբրահամյանից բացի ձերբակալվել է նաև գլխավոր մանկաբարձի տեղակալ Արշակ Ջերջերյանն ու առողջ երեխաների համար «Երևանի մանկան տուն» Հայաստանում ամենահին մանկատներից մեկի տնօրեն Լիանա Կարապետյանը։

Հայաստանի Քննչական կոմիտեի մամուլի քարտուղար նաիրա Հարությունյանը ֆեյսբուքյան իր էջում գրել է, որ մեղադրանք է առաջադրվել նաև Երևանի ևս մեկ բնակչի, որը ծնվել է 1976 թ-ին։ Նրա անունն ու դերը հանցավոր խմբում դեռ չի հաղորդվում։

Արդյոք ձերբակալվածները խոստովանում են իրենց մեղքը՝ դեռ հայտնի չէ։

Նախաքննությունը շարունակվում է։

Էլ ինչի՞ համար է մեղադրվում Հանրապետական ծննդատան տնօրենը

Հանրապետական ծննդատան 76-ամյա տնօրենը որպես մեղադրյալ է ներգրավված ևս մեկ գործով։

2019 թ-ի ապրիլին հայտնի է դարձել աղմկահարույց կոռուպցիոն սկանդալի մասին առողջապահության նախարարությունում։

Այն ժամանակ տեղեկություն տարածվեց, որ կաշառք ստանալու կասկածանքով ԱԱԾ-ն ձերբակալել է առողջապահության փոխնախարարի։ Ավելի ուշ նախարարը հաստատեց, որ ձերբակալվածն իր տեղակալ Արսեն Դավթյանն է։

ԱԱԾ հաղորդագրությունում նշվում էր, որ բուժհաստատություններից մեկի տնօրենն անձամբ է առողջապահության փոխնախարարին նրա իսկ կաբինետում առանձնապես խոշոր չափի կաշառք փոխանցել պետպատվերի շրջանակում իր բուժհաստատության ֆինանսավորման ավելացման դիմաց։

Եվս մի քանի օրից տեղեկություններ հայտնվեցին այն մասին, որ ԱԱԾ է ներկայացել առողջապահության նախարարության գլխավոր մանկաբարձ-գինեկոլոգ Ռազմիկ Աբրահամյանը։ Տվյալ պահին նա մեղադրվում է առողջապահության նախկին փոխնախարար Արսեն Դավթյանին խոշոր չափի կաշառք տալու մեջ։