Արաբական երկրները խզում են հարաբերությունները Քաթարի հետ

Յոթ արաբական երկիր հայտարարել է Քաթարի հետ դիվանագիտական հարաբերությունների խզման մասին:

Այդ քայլի համար առիթ է դարձել Քաթարի էմիրի ելույթի հրապրակումը, որում նա կոչ էր անում մեղմացնել Իրանի հետ հարաբերությունները և նրան դիտարկել որպես ռազմավարական գործընկեր:

Քաթարի արտգործնախարարությունը հայտարարել է, որ էմիրի ելույթը կեղծ է, այն պատրաստվել է անհայտ հաքերների կողմից: Սակայն դա չի կանխել սկանդալի զարգացումը, քանի որ հրապարակված ելույթի բովանդակությունը չի տարբերվում վերջերս արած հայտարարություններից: Յոթ արաբական երկիր Քաթարին մեղադրել է այնպիսի ահաբեկչական խմբավորումների աջակցության համար, ինչպիսիք են Ալ Քաիդան, Իսլամական պետությունն ու «Մուսուլման եղբայրները», և պահանջել, որպեսզի Քաթարի դիվանագետները լքեն իրենց տարածքը 48 ժամվա ընթնացքում:

Քաթարը ոչ մեծ երկիր է Պարսից ծոցում երկրի բնակչության հաշվարկով աշխարհում ամենաբարձր ՀՆԱ ցուցանիշով: Բարեկեցության աղբյուրը նավթի և գազի հսկայական պաշարներն են (աշխարհում ամենամեծը):

Փորձագետները նշում են, որ մի քանի տարի առաջ նման սկանդալ է եղել, և այն ժամանակ բանը նույնպես հասել է դիվանագիտական կապերի խզմանը: Տարաձայնությունների պատճառը երկու իսլամական ուղղությունների՝ սունիների և շիաների դիմակայությունն է, ինչն անդրադառնում է տարբեր հարաբերությունների վրա, օրինակ, մի կողմից, Քաթարի և Թուրքիայի և Սաուդյան Արաբիայի, մյուս կողմից, Սիրիայի, Լիբիայի և Յեմենի հանդեպ վերաբերմունքի, որտեղ նրանք աջակցում են դիմակայող ուժերին:

Սակայն իրադարձությունների նման զարգացումն, ինչպիսին է նավթի արդյունահանման սահմանափակման համաձայնագրից Քաթարի դուրս գալը կամ Քաթարի իշխող դինաստիայի բռնի փոփոխությունը, փորձագետները քիչ հավանական են համարում: