ԱՄՆ-ն Ռուսաստանին մեղադրել է զինամթերքի կրճատման մասին պայմանագրի խախտման համար

ԱՄՆ-ն Ռուսաստանին մեղադրել է զինամթերքի կրճատման պայմանագրի խախտման համար: Պենտագոնը հայտարարել է, որ Ռուսաստանը ցամաքային բազավորման թևավոր հրթիռների համակարգ է տեղակայել, ինչը 1987թ-ին կնքված միջին և փոքր հեռավորության  հրթիռների լիկվիդացման մասին պայմանագրի խախտում է:

ԱՄՆ բանակի շտաբերի պետերի կոմիտեի փոխնախագահ Փոլ Սելվայի խոսքով՝ Մոսկվայի գործողությունները ՆԱՏՕ-ում Եվրոպայի օբյեկտների մեծ մասի համար վտանգ են ներկայացնում:

Այդ առթիվ հայտարարությամբ է հանդես եկել ԱՄՆ Պետդեպարտամենտը: «Մենք կարծում ենք, որ Ռուսաստանը նախկինի պես խախտոմ է փոքր ու միջինհեռավորության հրթիռների մասին պայմանագրով նախատեսված իր պարտավորությունները», — ասել է Պետդեպի պաշտոնական ներկայացուցչի ժամանակավորպաշտոնակատար Մարկ Թոները:

Փետրվարի կեսերին The New York Times թերթը գրում էր այն մասին, որ Ռուսատսանը, չնայած պայմանագրին, արդեն մի քանի տարի մշակում և փորձարկում էSSC-8 հրթիռը՝ «Կալիբր ՆԿ» թևավոր հրթիռի ցամաքային տարբերակը:

ՌԴ նախագահի մամուլի քարտուղար Դմիտրի Պեսկովն այն ժամանակ հերքեց այդ տեղեկատվությունը: Նրա խոսքով, Ռուսաստանը շարունակում է կատարել իր միջազգային պարտավորույթունները:

Փոքր ու միջին հեռավորության հրթիռների լիկվիդացիայի մասին անժամկետ պայմանագիրն ուժի մեջ է մտել 1988թ-ի հունիսի 1-ին: ԱՄՆ և ԽՍՀՄ-ը, իսկ դրանից հետո՝ Ռուսաստանը որպես նրա իրավահաջորդ, պարտավորվել են չարտադրել և չփորձարկել 500-5500կմ հեռավորության ցամաքային բազավորման բալիստիկ և թևավոր հրթիռներ: