Ահաբեկչական հարձակում Եգիպտոսում. կա մոտ 40 զոհ

Եգիպտոսի երկու եկեղեցիներում տեղի ունեցած պայթյունների հետևանքով զոհվել է առնվազն 36 մարդ: Պայթյունները տեղի են ունեցել կիրակի օրը՝ ապրիլի 9-ին, Ծաղկազարդի տոնի կապակցությամբ մատուցվող պատարագների ժամանակ:

Առաջին պայթյունը որոտացել է Ալեքսանդրիայից 130 կմ դեպի հարավ-արևելք գտնվող Տանտա քաղաքի ղպտական եկեղեցում: Պայթյունը խլել է 25 մարդու կյանք:

Ահաբեկչական հարձակման պահին եկեղեցու ներսում է գտնվել նաև ղպտիների պատրիարք Թավադրոս 2-րդը: Ըստ պաշտոնական աղբյուրների՝ նա չի տուժել:

Քիչ անց տեղի է ունեցել երկրորդ ահաբեկչական հարձակումը՝ Ալեքսանդրիայի Սուրբ Մարկ եկեղեցում: Պայթյունի հետևանքով զոհվել է 11 մարդ:

Ահաբեկչականհարձակումներիարդյունքումվնասվածքներէստացելավելիքան 100 մարդ, հայտնումէ BBC-ն:

Պատասխանատվությունը երկու պայթյունների համար ստանձնել է «Իսլամական պետություն» ահաբեկչական խմբավորումը: