Ադրբեջանում 9 մարդ վարակված է կորոնավիրուսով. հայտնաբերվել է 3 նոր դեպք

Ադրբբեջանում  հայտնաբերվել է կորոնավիրուսի վարակի ևս երեք դեպք: Երեքն էլ Ադրբեջանի քաղաքացիներ են, որոնք վերադարձել են Իրանից: Երկրում վարակվածների թիվը հասավ իննի:

Բոլոր վարակվածները գտնվում են հատուկ ռեժիմով հիվանդանոցում: Ադրբեջանի սահմանը Իրանի հետ փակ է, սակայն միջանցք է թողնվել, որպեսզի երկու երկրների քաղաքացիները կարողանան վերադառնալ հայրենիք:

Առողջապահության նախարարությունը վստահեցնում է, որ երկրում ամեն ինչ կա կորոնավիրուսի թեստավորման համար, հիվանդների վիճակը կայուն է, իրավիճակը հսկողության տակ է:

Կորոնավիրուսի տարածումը կանխելու համար Ադրբեջանում մինչև մարտի 9-ը ներառյալ փակ են բոլոր ուսումնական հաստատությունները և մանկապարտեզները: Դրանցում ախտահանում է անցկացվում: Ախտահանվում են նաև կայարանները, հասարակական տրանսպորտը: Մինչև մարտի 27-ը փակ են թատրոնները և համերգասրահները:

Հեռուստատեսությամբ մարդկանց բացատրում են, թե ինչպես պաշտպանվել կորոնավիրուսից. խնդրում են հաճախակի լվանալ ձեռքերը և խուսափել մարդաշատ վայրերից:

• Կորոնավիրուս․ այլևս ոչ մի գրկախառնություն՝ ողջույններ արմունկներով ու կոշիկներով: ՏԵՍԱՆՅՈՒԹ• Վրաստանում կորոնավիրուսով ևս հինգ վարակված է հայտնաբրերվել

• Հակասանիտարական պայմաններ, չկա ջուր և հողաթափեր. Ադրբեջանում կարանտինի մեջ գտնվող մարդիկ բողոքում են սարսափելի պայմաններից

“>