Ադրբեջանում պատրաստվում են «օրինակելի գերեզմանոցներ» ստեղծել

Ադրբեջանի Միլլի մեջլիսի կրոնական կառույցների և հասարակական միավորումների խորհրդարանական կոմիտեն սգո ծառայությունների կատարելագործման օրինագիծ է նախապատրաստել: Փաստաթղթում առաջարկվում է «օրինակելի գերեզմանոցների» միասնական ցանց ստեղծել, որտեղ բոլոր գները միասնական են և որոշված են կառավարության կողմից:

«Օրինակելի գերեզմանոցները ողջ հանրապետության տարածքը կընդգրկեն: Մեծ բնակավայրերում գերեզմանոցները պետության հաշվեկշռում կլինեն: Իսկ գյուղական տեղանքում դրանք կարող են գտնվել տեղական ինքնակառավարման մարմինների հաշվեկշռում: Փաստաթուղթն ամբողջովին պատրաստ է, և մոտ ժամանակներս խորհրդարանի քննարկմանը կներկայացվի: Հնարավոր է, նախագահի համապատասխան հրամանը լինի», — ասել է խորհրդարանական կոմիտեի նախագահ Սիավուշ Նովրուզովը Modern.az պարբերականին:

Կոմիտեի նախագահի խոսքով՝ նախագծում հատուկ ուշադրություն է դարձվում օրինակելի գերեզմանոցների կառավարմանը, դրանց պահպանությանն ու սպասարկմանը: Գերեզմանների տեղերի, տապանաքարերի գներն ամենուր նույնը պետք է լինեն և հասանելի քաղաքացիների միջին շերտի համար:

Նովրուզովը հավելել է, որ կրոնական ծեսերի կատարման համար կիրթ մասնագետներ կներգրավվեն: «Հավանաբար տեղյակ եք, որ այսօր գերեզմանոցներում մոլլաները հաճախ նույնիսկ արաբերեն չգիտեն», — ավելացրել է Նովրուզովը:

Գերեազմանոցների և սգո ծառայությունների ընթացիկ վիճակին կարելի է ծանոթանալ

JAMnews-ի «Մահանալ Ադրբեջանում. գներ, ծեսեր, կանոններ» հոդվածում: