Ադրբեջանում մուսուլման հոգևորականներն աշխատավարձ կստանան հատուկ հիմնադրամից

Ադրբեջանում մուսուլման հոգևորականներն օգնություն են ստանալու Հոգևոր արժեքների պրոպագանդայի հիմնադրամից՝ սկսած 2018թ-ի մարտից: Օգնության չափը տատնվում է 200-400 մանաթի (մոտ 117-235 դոլար) սահմաններում և կախված են հոգևոր աստիճանից: Համեմատության համար՝ երկրում միջին աշխատավարձը 500 մանաթ է:

Աշխատավարձ կստանան ոչ բոլորը. Հոգևոր արժեքների պրոպագանդայի հիմնադրամը Կովկասի մուսուլմանների վարչության հետ մեկտեղ, որին նա ենթարկվում է, այժմ պատրաստում է այն կրոնական գործիչների ցուցակները, որոնց աջակցելու են:

“Աջակցություն կստանան պաշտոնապես նշանակված կրոնական գործիչները: Այդ կրոնական գործիչները պայմանագիր են ստորագրել Հոգևոր արժեքների պրոպագանդայի հիմնադրամի հետ”, — trend.az-ին ասել է Կրոնական կառույցների հետ աշխատանքի պետական կոմիտեի նախագահ Մուբարիզ Գուրբանլին:

Նրա խոսքով՝ Կովկասի մուսուլմանների վարչությունն ու Հոգևոր արժեքների պրոպագանդայի հիմնադրամը մտադիր են վերահսկել կրոնական գործիչների աշխատանքը, որոնք նյութական աջակցություն են ստանում:

Հոգևոր արժեքների պրոպագանդայի հիմնադրամը ստղեծվել է 2017թ-ի հոկտեմբերին: 2018թ-ի սկզբին որոշվել է հիմնադրամին պետբյուջեից 6,1մլն մանաթ տրամադրել:

Ենթադրվում է, որ հիմնադրամը ֆինանսավորման այլ աղբյուրներ էլ կունենա, օրինակ, նվիրատվությունները, որոնք նախկինում ուղղակիորեն մզկիթներին էին արվում և ոչ մի կերպ չէին վերահսկվում պետության կողմից: