Ադրբեջանում ընտանեկան բռնության համար մեղավորներին վերահսկող ապարանջաններ կհագցնեն

Կենցաղային բռնության մասին օրենքում փոփոխություներ են նախապատրաստվում. եթե դրանք ընդունվեն, Ադրբեջանում ոստիկանությունը կարող է հետևել «կռվարարներին» առցանց՝ ոտքին կամ ձեռքին հագցված հատուկ ապարանջանների միջոցով:

Փաստացի այն կարող է կատարել «պահապան օրդերի» գործառույթ: Այժմ, ըստ ադրբեջանական օրենքների, այդ փաստաթուղթը պաշտպանության իրավունք է տալիս. բռնարարն իրավունք չունի մոտենալու իր զոհին, զանգահարելու, նամակներ գրելու կամ այլ կերպ կապ պահպանելու: Հետևող ապարանջանի միջոցով ոստիկանությանն անհապաղ հայտնի կդառնա, եթե ագրեսորը գնա այնտեղ, ուր, ըստ օրդերի, նա իրավունք չունի գտնվելու:

Ենթադրվում է ընտանեկան բռնությունից տուժածներին նաև այլ օգնության ցուցաբերում: «Ընտանիքին սոցիալական աշխատողներ, հոգեբաններ, իրավաբաններ, ապաստանի տրամադրման տեղական կենտրոնների աշխատակիցներ կկցվեն և այլ կանխարգելիչ միջոցներ կձեռնարկվեն», — ասում է Ընտանիքի հարցերով պետկոմիտեի տեղեկատվական-վերլուծական հետազոտությունների բաժնի վարիչ Էլգյուն Սաֆարովը:

Հիմա, ըստ վիճակագրության, Ադրբեջանում յուրաքանչյուր երրորդ կին ընտանեկան բռնության է ենթարկվում (տղամարդն էլ կարող է զոհ լինել, սակայն այդպիսի դեպքերը շատ ավելի քիչ են): Իսկ  պահպանական օրդերները պոպուլյար չեն, քանի որ կանանցից շատերը վախենում են խոսել բռնության մասին և չեն հավատում, որ ինչ-որ մեկը կարող է իրենց պաշտպանել: Պահպանագիր ստացողների թիվը չի գերազանցում տարեկան 10 մարդը, թեև այդ պրակտիկան ներդրվել է 7 տարի առաջ: