Ադրբեջանը որոշել է ՀՀ հետ սահմանային անցակետերի տեղակայման վայրերը

Անցակետեր Հայաստանի հետ սահմանին

Երկկողմ հանձնաժողովի շրջանակներում Ադրբեջանի և Հայաստանի իշխանությունները նախապատրաստվում են երկու երկրների միջև սահմանազատման շուրջ բանակցությունների։ Պաշտոնական Բաքուն արդեն կողմնորոշվել է Հայաստանի հետ սահմանին երկու սահմանային անցակետերի տեղակայման հարցում։ Կառավարության համապատասխան որոշումը ստորագրել է երկրի վարչապետը։

• Ինչո՞ւ սահմանազատման հանձնաժողովը դեռևս չի ստեղծվել. հայկական կողմի պարզաբանումը

• «Մոսկվան դեմ է Ադրբեջանի և Հայաստանի ուղիղ երկխոսությանը». մեկնաբանություն Բաքվից

• Եթե ոչ Մինսկի խումբը, ապա ո՞վ է Հայաստանին և Ադրբեջանին տանելու դեպի խաղաղություն

Ադրբեջանի վարչապետ Ալի Ասադովը ստորագրել է որոշում, որի համաձայն՝ որոշվել են Հայաստանի հետ սահմանի՝ երկու սահմանային անցակետերի (ՍՊԿ) տեղակայման վայրերը։

Ըստ փաստաթղթի՝ անցակետերը տեղակայվելու են Էյվազլի և Ղազանչի բնակավայրերում, որոնք գտնվում են Հայաստանին սահմանակից Կուբաթլուի և Զանգելանի շրջաններում:

Բացի այդ, փաստաթուղթը վերաբերում է ևս երկու նոր սահմանային անցակետերի։ Դրանք ստեղծվելու են «Ֆիզուլի» և «Զագաթալա» միջազգային օդանավակայաններում, որոնք գտնվում են համանուն շրջաններում։

Հայաստանի Գորիս և Կապան քաղաքների միջև ճանապարհն անցնում է Կուբաթլուի շրջանի Էյվազլի գյուղով, որտեղ տեղակայված է լինելու Հայաստանի հետ սահմանային անցակետերից մեկը։ Այնտեղ արդեն իսկ գործում է Ադրբեջանի մաքսակետը, որը սպասարկում է Ղարաբաղի ուղղությամբ շարժվող բեռնատարներին։

Մաքսատուրքեր իրանական բեռնատարների համար․ ի՞նչ է կատարվում Հայաստանի և Ադրբեջանի սահմանին

Ադրբեջանը ոստիկանական և մաքսային անցակետեր է տեղադրել Գորիս և Կապան հայկական քաղաքները միացնող ճանապարհահատվածում

Զանգելանի շրջանի Ղազանչի գյուղի մոտ, որտեղ ստեղծվելու է երկրորդ անցակետը, ավտոճանապարհ կլինի դեպի Նախիջևանի Ինքնավար Հանրապետություն՝ Ադրբեջանի էքսկլավ։ Ամենայն հավանականությամբ, այդ սահմանային անցակետը կդառնա Զանգեզուրի տրանսպորտային միջանցքի մաս։ Ղազանչիի մոտով է անցնում նաև նախկին՝ Ադրբեջանից Կապան գնացող երկաթուղագիծը, որն ավերվել էր Ղարաբաղյան առաջին պատերազմից հետո։

Անվտանգության գոտու պահանջ Սյունիքի մարզի սահմանամերձ գյուղերի բնակիչներից

44-օրյա պատերազմից հետո Սյունիքի մարզի սահմանամերձ դարձած գյուղերում նույն խնդիրներն են առաջացել, ամենակարևորը՝ մարդիկ իրենց ապահով չեն զգում։

Անցակետեր Հայաստանի հետ սահմանին