Ադրբեջանական բանակը 11 հազար հեկտար հող է գրավել, պնդում են տեղական լրատվամիջոցները: Հայկական մամուլը հերքում է լուրը

Տեղեկատվություն Բաքվից

Հունիսի 8-ի երեկոյան ադրբեջանական լրատվամիջոցներում հաղորդագրություն է հայտնվել այն մասին, որ ադրբեջանական բանակը վերականգնել է Շարուրի շրջանի Գյուննութ գյուղի և շրջակա բարձունքների հանդեպ վերահսկողությունը: Որպես աղբյուր նշվում էր Նախիջևանի Ինքնիշխան Հանրապետության Առանձին համազորային բանակի մամուլի ծառայությունը: Ավելի ուշ տեղեկատվութոյւնը հաստատել է նա ԱՊԱ գործակալությունը:

Youtube-ում հայտնվել է naxcivantv ալիքի տեսագրությունը, որտեղ ցուցադրվում է Գյուննութ գյուղի գերեզմանը, ուր, ինչպես պատմվում է ռեպորտաժում, կարողացել են գալ այնտեղ թաղված ադրբեջանցիների հարազատները:

Ադրբեջանական մամուլը հայտարարում է, որ Ադրբեջանի վերահսկողության տակ է անցել 11 հազար հեկտար հող:

Ադրբեջանի պաշտպանության նախարարությունը տվյալ պահին ոչ մի հայտարարություն չի արել:

Հայկական մամուլը հերքում է այդ լուրը:

Տեղեկատվություն Երևանից

Հայաստանի պաշտպանության նախարարության մամուլի քարտուղար Արծրուն Հովհաննիսյանը Ֆեյսբուքի իր էջում անդրադարձել է այն լուրին, թե ադրբեջանական զինված ուժերն «ազատագրել են» Նախիջևանի Գյուննութ գյուղը:

«Սույն թվականի հունիսի 6-ին և 7-ին ադրբեջանական կողմը դիմել է ՀՀ ԶՈւ հրամանատարությանը՝ խնդրելով թույլատրել որոշ քաղաքացիների մոտենալ Գյուննութ ավերակ բնակավայրի հարավային արվարձանի գերեզմանատեղիներ։ Նման խնդրանք այդ հատվածում Ադրբեջանական կողմը հայտնել է առաջին անգամ։ Հայկական կողմը, հավատարիմ լինելով մարդասիրական նորմերին և մշտապես կատարելով լարվածության թուլացման քայլեր, համաձայնել է թույլատրել խաղաղ բնակիչներին կարճ ժամանակով մոտենալ գերեզմանատեղիին»: