Աբխազիայում տոնում են Անկախության և Վրաստանի հետ պատերազմի հաղթանակի օրը: Ֆոտոռեպորտաժ
Լուսանկարը՝ Դմիտրի Ստատեյնովի, JAMnews
Այսօր՝ սեպտեմբերի 30-ին, Աբխազիայում նշում են Հաղթանակի և անկախության օրը:
Ինչպես JAMnews-ին ասել են Սուխումի բնակիչները, ժամանակակից Աբխազիայի համար դա գոյություն ունեցող տոներից ամենահարգվածն է:
Լուսանկարը՝ Դմիտրի Ստատեյնովի, JAMnews
Սեպտեմբերի 30-ն այն օրն է, երբ 24 տարի առաջ՝ 1993թ-ին, աբխազական զորքերը դուրս եկան Ինգուրի կամուրջ և այնտեղ իրենց դրոշը տնկեցին: Այդ օրն Աբխազիայում երկար ժամանակ պաշտոնապես կոչվում էր «Աբխազիայի ժողովրդի հաղթանակի օրը 1992-1993թթ-ի Հայրենական պատերազմում»: Այնուհետև ընդունվեց խորհրդարանի նոր որոշումը, և սեպտեմբերի 30-ին Աբխազիայում միշտ նշվում է «Հաղթանակի և անկախության օրը»:
Լուսանկարը՝ Դմիտրի Ստատեյնովի, JAMnews
Այդ պատերազմում գրեթե յուրաքանչյուր աբխազական ընտանիք կորուստենր ուեցավ: Ըստ պաշտոնական տվյալների՝ աբխազական կողմից զոհվել է ավելի քան 4 հազար մարդ: Վրացական զորքերն ամբողջությամբ այրել են պետական արխիվն ու Լեզվի, պատմության և գրականության աբախազական ինստիտուտը:
Լուսանկարը՝ Դմիտրի Ստատեյնովի, JAMnews
Այս օրվա տոնական միջոցառումները սկսվում են՝ Աբխազիայի ազատության համար զոհվածների հուշարձաններին ծաղկեպսակ դնելով: Այդպիսի հուշարձաններ կան Աբխազիայի գրեթե բոլոր քաղաքներում և գյուղերում: Որպես կանոն, դրանց կառուցման համար միջոցները հավաքել են հանրապետության բնակիչները:
Լուսանկարը՝ Դմիտրի Ստատեյնովի, JAMnews
Հանրապետության բոլոր փողոցներում դրոշներ են և Աբխազիայի առաջին նախագահ Վլադիսլավ Արձինբայի դիմանկարները, որի անվան հետ է կապվում հաղթանակը, ինչպես նաև պատերազմի հերոսների մեծացված լուսանկարները:
Լուսանկարը՝ Դմիտրի Ստատեյնովի, JAMnews
Այս տարի ավանդական միջոցառումներին գումարվել է ևս մեկ ակցիա՝ «Աբխազական անմահ գունդը»: Պատերազմում զոհվածների հարազատները երթով անցան կենտրոնական փողոցներով՝ իրենց հարազետների դիմանկարները ձեռքներին:
Լուսանկարը՝ Դմիտրի Ստատեյնովի, JAMnews
Լուսանկարը՝ Դմիտրի Ստատեյնովի, JAMnews
Ս եպտեմբերին մի քանի հիշարժան օրեր կան, որոնք կապված են 1992-1993թթ-ի վրաց-աբխազական հակամարտության հետ: Երեք օր առաջ Վրաստանի վարչապետ Գիորգի Կվիրիկաշվիլին վրացերեն և աբխազերեն լեզուներով հայտարարությամբ հանդես եկավ՝ նշելով Սուխումիի անկման 24-րդ տարելիցը: Նա այդ պատերազմը եղբայրասպան անվանեց և ասաց, որ «դա պատերազմ էր և աբխազների, և վրացիների դեմ, և դրանում հաղթողներ չկան»:
Հրապարակման մեջ տեղ գտած եզրերը, տեղանունները և գաղափարները կարող են չհամընկնել JAMnews-ի կամ նրա առանձին աշխատակիցների կարծիքների և գաղափարների հետ: JAMnews-ն իրեն իրավունք է վերապահում հեռացնել հրապարակման այն մեկնաբանությունները, որոնք կգնահատվեն որպես վիրավորական, կպարունակեն բռնության կամ սպառնալիքի կոչեր, կամ այլ
պատճառներով էթիկապես անընդունելի կլինեն:
