Ամերիկան ոստիկանական մեքենաներ է այրում և պառկում գետնին՝ կրկնելով «Շունչս կտրվում է»։ Ֆոտոռեպորտաժ
ԱՄՆ-ն գրեթե ամբողջությամբ համակված է բազմահազարանոց ագրեսիվ ցույցերով այն բանից հետո, երբ Մինեսոտա քաղաքում ոստիկանության կողմից ձերբակալության ընթացքում զոհվել է աֆրոամերիկացի Ջորջ Ֆլոյդը։
![](https://jam-news.net/app/uploads/2020/06/RTS39UBU-1024x704.jpg)
Հունիսի 1–ին կայանալու են 44–ամյա ոստիկան Դերեք Շովենի (ամերիկյան լրատվամիջոցներն ընդգծում են, որ նա սպիտակամորթ է) գործով առաջին լսումները, որը մեղադրվում է Ֆլոյդի սպանության մեջ։ Ձերբակալման պահին նա շնչահեղձ անող հնարք է կիրառել, որը հանգեցրել է 26–ամյա Ֆլոյդի մահվանը։
ԱՄՆ ավելի քան 40 քաղաքներում պարետային ժամ է սահմանվել։ Սակայն մարդիկ մեծ մասամբ անտեսում են այն, ինչն արդեն դեպքերի մեծ մասում հանգեցրել է ոստիկանության հետ բախումների։
![](https://jam-news.net/app/uploads/2020/06/RTS39U51-1024x683.jpg)
Առանձնապես դաժան էին հունիսի 1–ի գիշերը Նյու Յորքում, Չիկագոյում, Ֆիլադելֆիայում և Լոս Անջելեսում ցուցարերների հետ բախումները։ Այնտեղ կիրառել են արցունքաբեր գազ և կրակել ամբոխի վրա պղպեղով փամփուշտներով։
Ամենուրեք այրում են ոստիկանական մեքենաներ, շատ քաղաքներում՝ ավերում խանութներ։
![](https://jam-news.net/app/uploads/2020/06/RTS39U3F-1024x683.jpg)
![](https://jam-news.net/app/uploads/2020/06/RTS39U61-1024x683.jpg)
Դենվերում հազարավոր մարդիկ մասնակցել են խաղաղ ցույցին․ նրանք պառկել են գետնին՝ դեմքով դեպի հատակը, ձեռքերը մեջքի հետևում, և վանկարկել․ «Չեմ կարող շնչել»։
Վաշինգտոնի 15 նահանգներում տեղակայված են Ազգային գվարդիայի ուժեր, դա ԱՄՆ պահուստային ռազմական ուժն է երկրի ներսում արտակարգ իրավիճակների կարգավորման համար։
![](https://jam-news.net/app/uploads/2020/06/RTS39TZ0-1024x683.jpg)
Մայիսի 31–ի գիշերն Ազգային գվարդիայի հինգ հազար զինվորական է տեղակայվել Վաշինգտոնում այն բանից հետո, երբ բազմահազարանոց ամբոխը խարույկներ է վառել Սպիտակ տան մոտ և ոստիկանների ուղղությամբ քարեր նետել։
![](https://jam-news.net/app/uploads/2020/06/RTS39U05-1024x683.jpg)
Ցույցերի հարյուրավոր մասնակիցներ կալանավորված են։ Զոհերի մասին դեռևս հաղորդագրություններ չկան։
Ֆլոյդի գործը զայրույթի բռնկում է առաջացրել ԱՄՆ–ում՝ աֆրոամերիկացիների դեմ ոստիկանության անհամաչափ բռնության բազմաթիվ նմանատիպ նախորդ դեպքերի ֆոնին։ Շատերի համար այս ցույցը նաև վրդովմունքի արտահայտում է սոցիալ–տնտեսական անհավասարության և սեգրեգացիայի առթիվ, հատկապես՝ Մինեապոլիսում։
![](https://jam-news.net/app/uploads/2020/06/RTS39U0J-1024x683.jpg)
Ի՞նչ է տեղի ունեցել Ջորջդ Ֆլոյդի հետ
Մայիսի 25–ի երեկոյան Մինեսոտայի փոքր մթերային խանութը ոստիկանություն է կանչել, քանի որ Ջորջ Ֆլոյդը փորձել է վճարել կեղծ 20–դոլարանոցով։
Ոստիկանները փորձել են նրան մեքենա նստեցնել, սակայն նա ընկել է գետնին և ասել, որ փակ տարածքների վախ ունի։
Ոստիկանության տվյալներով՝ նա ֆիզիկապես դիմադրել է սպաներին և ձեռնաշղթաներով է եղել։
Ոստիկան Դերեք Շովենը ծնկով գետնին է սեղմել նրա պարանոցը։ Տեսանյութում լսվում է, թե ինչպես է Ֆլոյդն ասում․ «Խնդրում եմ, շունչս կտրվում է» և «Մի սպանիր ինձ»։
![](https://jam-news.net/app/uploads/2020/06/100682805_3119151364789894_237798466435153920_n.jpg)
Ըստ նախնական փորձաքննության՝ ոստիկանը նրան այդ դիրքում պահել է ութ րոպե 46 վայրկյան, ընդ որում՝ այն բանից գրեթե երեք րոպե անց, երբ Ֆլոյդը դադարել է շարժվել։
Ավելի ուշ նա հիվանդանոց է տեղափոխվել, սակայն արդեն մահացած է եղել։