Կորոնավիրուսի տարածման վիճակագրությամբ Հայաստանը շարունակում է առաջատար դիրք գրավել տարածաշրջանում

Հուլիսի 11-ի դրությամբ Հայաստանում կորոնավիրուսով վարակվածների թիվն ավելացել է 489-ով և դարձել 31 392:

Մահացել է ևս 13 մարդ: Մահացածների ընդհանուր թիվը հասավ 559-ի։

Առողջացել է ևս 710 պացիենտ, նրանց ընդհանուր թիվը կազմում է 19 419։ Շարունակում են բուժում ստանալ 11 234-ը։

Ընդհանուր առմամբ, կատարվել է 133 104 թեստավորում, անցած օրվա ընթացքում՝ 1 888:

● Հայաստանի վարչապետի գործունեությունից գոհ է բնակչության մեծ մասը․ GALLUP International–ի հարցում

● Կորոնավիրուսը կարող է օդով փոխանցվել։ Սա հայտարարվել է պաշտոնապես և փոխում է համավարակի դեմ պայքարի ողջ համատեքստը

Ըստ  worldometers.info կայքի՝ հուլիսի 9-ի դրությամբ՝ 1 մլն շնչի հաշվով կորոնավիրուսով վարակման ու մահացության ցուցանիշով Հայաստանը շարունակում է առաջատարը լինել տարածաշրջանում։

1 մլն բնակչության հաշվով կորոնավիրուսով վարակման ցուցանիշը Հայաստանի համար կազմել է 10 428, մահացության ցուցանիշը՝ 184:

Տարածաշրջանի մյուս երկրների 1 մլն շնչի հաշվով կորոնավիրուսից մահացության ցուցանիշներն այսպիսին են.

● Իրան՝ 148

● Թուրքիա՝ 63

● Ադրբեջան՝ 29

● Վրաստան՝ 4։