Թուրքիայում տեղի ունեցած երկրաշարժից հետո հայրը փլատակների տակ գտել է դստերը, բայց ուշացած
Թուրքիայում երկրաշարժից տուժածները
Այս ողբերգական լուսանկարներն այսօր արել է AFP-ի լուսանկարիչ Ադեմ Ալթանը Թուրքիայի Ղահրամանմարաշ քաղաքում։ Հայրը բռնել է փետրվարի 6-ի գիշերվա սարսափելի երկրաշարժի հետևանքով մահացած 15-ամյա դստեր՝ Իրմակի ձեռքը։ Մեսութ Հանսերին հաջողվել է գտնել նրան, բայց նա արդեն մահացած է եղել։
![Մեսութ Հանսերը բռնել է Թուրքիայի Ղահրամանմարաշ քաղաքում երկրաշարժի հետևանքով մահացած 15-ամյա դստեր՝ Իրմակի ձեռքը։ Լուսանկարը՝ Ադեմ ԱԼԹԱՆ / AFP](https://jam-news.net/app/uploads/2023/02/5-1024x683.jpeg)
CNN-ը գրում է, որ այժմ նա պարզապես սպասում է, թե երբ փրկարարները կկարողանան փլատակների տակից դուրս բերել աղջկա մարմինը։
![Месут Хансер держит за руку свою 15-летнюю дочь Ирмак, погибшую во время землетрясения в в городе Кахраманмарас в Турции. Фото Adem ALTAN / AFP. Жертвы землетрясения в Турции](https://jam-news.net/app/uploads/2023/02/4-1024x683.jpeg)
Ըստ այս հրապարակման պահին առկա պաշտոնական տվյալների՝ ավելի քան 5200 մարդ է զոհվել և տասնյակ հազարավոր մարդիկ վիրավորվել են Թուրքիայում և Սիրիայում տեղի ունեցած երկրաշարժերի հետևանքով։ Թուրքիայում զոհերի թիվը գերազանցել է 3700-ը, վիրավորվել է 22․286 մարդ։
7,8 մագնիտուդ ուժգնությամբ առաջին երկրաշարժի կենտրոնը եղել է Պազարջիկի շրջանում։ Ղահրամանմարաշը և մի քանի նահանգներ ծանր հարվածներ են ստացել, այդ թվում՝ Գազիանթեփը, Շանլըուրֆուն, Դիարբեքիրը, Ադանան, Ադիյամանը, Մալաթիան, Օսմանիեն, Հաթայը և Քիլիսը։ Ավելի ուշ՝ տեղական ժամանակով ժամը 13.24-ին, 7.6 մագնիտուդով երկրորդ երկրաշարժն է տեղի ունեցել, որի կենտրոնը գտնվում է Ղահրամանմարաշ Էլբիստան շրջանում։ Այս երկու օրերի ընթացքում տեղի է ունեցել նաև ավելի քան 125 հետցնցում։
Հաղորդվում է, որ 5,0-ից 6,0+ ուժգնությամբ նոր հետցնցումներ դեռևս հնարավոր են և դրանք պարունակում են լրացուցիչ վնասների վտանգ երկրաշարժից տուժած շենքերի համար: Դա մշտական վտանգ է նաև փրկարարական խմբերի և ողջ մնացածների համար:
Փրկարարները շարունակում են փլատակների տակ ողջ մնացածների որոնումները, սակայն չդադարող ձյունը և ուժեղացող սառնամանիքը մեծ խոչընդոտ են դարձել։ Իսկ առաջիկա օրերի կանխատեսումն էլ ավելի վատ եղանակ է խոստանում։
![Թուրքիայի Մալաթիայում որոնողափրկարարական աշխատանքներ 2023 թվականի փետրվարի 7-ին. Լուսանկարը՝ Սերջան Քյուչուքշահինի/Անադոլու գործակալության](https://jam-news.net/app/uploads/2023/02/7-1024x683.jpeg)
Ամբողջ աշխարհից ավելի ու ավելի շատ փրկարարական խմբեր են ժամանում Թուրքիա, ինքնաթիռներով տեխնիկա և մարդասիրական օգնություն է հասցվում։ Սակայն Միջազգային փրկության կոմիտեն (IRC) աշխարհին ուղղված կոչով հանդես եկավ՝ հայտարարելով, որ դա բավարար չէ: «Մարդասիրական կարիքները Սիրիայում և Թուրքիայում աղետալի են, խիստ հրատապ գործողություններն ու կենսական օգնությունը տուժածներին անհրաժեշտ են, քանի դեռ շատ ուշ չէ», — CNN-ի փոխանցմամբ ասել է IRC-ը։
Առողջապահության համաշխարհային կազմակերպությունը հայտարարել է, որ մեկնարկում է լայնածավալ երկարաժամկետ օգնության տրամադրումը Թուրքիային և Սիրիային։
ԱՀԿ-ն հայտնել է, որ սարսափելի երկրաշարժից տուժել է մինչև 23 միլիոն մարդ։
Օգնությունը տեղ հասցնելու խնդիր էլ կա, երկրաշարժի հետևանքով քանդված ճանապարհների պատճառով ամեն ինչ դանդաղ է ընթանում։
Թուրքիայի նախագահ Ռեջեփ Թայիփ Էրդողանը երեք ամսով արտակարգ դրություն է հայտարարել 10 նահանգներում։
![Երկրաշարժից փրկվածները պատսպարվում են վրանում. Թուրքիայի Հաթայ քաղաք. Լուսանկարը՝ BULENT KILIC / AFP](https://jam-news.net/app/uploads/2023/02/2-1024x683.jpeg)