საქართველოში დრონების გამოყენების შესახებ კანონმდებლობა გაამკაცრეს, მაგარამ "რადიო თავისუფლებამ" თითქმის მთელი ქვეყნის თავზე გადაფრენა მოასწრო" />

ზეციდან დანახული საქართველო – ერთი ფოტოგრაფის მისია

საქართველოში დრონების გამოყენების შესახებ კანონმდებლობა გაამკაცრეს, მაგარამ "რადიო თავისუფლებამ" თითქმის მთელი ქვეყნის თავზე გადაფრენა მოასწრო

2017 წლის 1 სექტემბრიდან საქართველოში ძალაში შევიდა სამოქალაქო ავიაციის სააგენტოს დირექტორის ბრძანება, რომლის მიხედვითაც დრონების მფლობელებს რიგი ახალი რეგულაციები უწესდებათ. დოკუმენტის მიხედვით, ქვეყანაში 122 მეტრზე მაღლა ფრენა იკრძალება, ამაზე მაღლა ფრენისთვის დრონის მფლობელებს სააგენტოს სპეციალური ნებართვა ესაჭიროებათ. ასევე იკრძალება შენობებთან 50 მეტრზე ახლოს ფრენა, თუ დრონის მფლობელი წინასწარ არ აიღებს ამისთვის ნებართვას. ასევე იკრძალება დრონით აეროპორტებიდან 6 კილომეტრის რადიუსში ფრენა და დრონით ადამიანის გადაყვანა.

ვიდრე ეს რეგულაციები ძალაში შევიდოდა, “რადიო თავისუფლებამ” მოასწრო და თითქმის მთელი საქართველოს თავზე გადაიფრინა.

დრონებმა შეცვალა ფოტოგრაფიის სამყარო, როდესაც, 2013 წელს, ეს მოწყობილობები პირველად გამოჩნდა მსოფლიო ბაზარზე და იაფი და (მეტ-ნაკლებად) უსაფრთხო საჰაერო გადაღება გახადა შესაძლებელი. თუმცა, იმავდროულად, გაჩნდა კერძო სივრცის უსაფრთხოებისა და დაცვის პრობლემებიც და ახალი კანონების ძალით მათი გამოყენების შეზღუდვა დაიწყო. საქართველო ასე თუ ისე უსაფრთხო ცის მქონე ერთ-ერთი უკანასკნელი ქვეყანა იყო, მაგრამ 1 სექტემბერს დრონების გაშვებაზე აქაც მკაცრი შეზღუდვები დაწესდება.

შეიტყო თუ არა მოსალოდნელი ცვლილებების შესახებ ეიმოს ჩეიპლმა, დრონული ფოტოგრაფიის ერთ-ერთმა პიონერმა, თავისი უკანასკნელი მოდელის კუად{რო}კოპტერით საქართველოსკენ გამოსწია, რათა სანამ ახალი რეგულაციები ძალაში შესვლისათვის დაესწრო და უკანასკნელად  გადაეღო ჰაერიდან საქართველოს მთები, დაბლობები და ქალაქები.

თუშეთი

42 ° 22N 45 ° 38E

უძველესი საუშაგო კოშკები გადმოჰყურებენ  სოფელ ომალოს თუშეთის ეროვნულ პარკში, რომელიც რუსეთის რეგიონებს, დაღესტნისა და ჩეჩნეთის რაიონებს ესაზღვრება.

ხევსურეთი

42 ° 36N 45 ° 12E

საფორტიფიკაციო ნაგებობის ნანგრევები ციხე-სოფელ მუცოში, რომელიც ჩეჩნეთის მოსაზღვრე, სამართებელივით წვერბასრი ქედის თავზეა აღმართული.

მცხეთა-მთიანეთი

42 ° 33N 45 ° 04E

ქვის სათვალთვალო კოშკი კავკასიონის მთებში, გადაჰყურებს დათვისჯვრის უღელტეხილს სოფელ შატილის მახლობლად.

სამცხე-ჯავახეთი

41 ° 37N 43 ° 42E

თბილისის მახლობლად მდებარე შავნაბადის მონასტერი, რომელიც საღამოს ჩამავალი მზის სხივებში ტოსკანას წააგავს.

კახეთი

41 ° 52N 44 ° 40E

გრემის ეკლესია და ციხე, შორიახლო მდებარე ვენახების ფონზე  დილით მზით.

სამცხე-ჯავახეთი

41 ° 42N 43 ° 30E

ციხისჯვრის მახლობლად,  ბარალეთის უძველესი ეკლესიის თავზე მოკალათებული წერო.

იმერეთი, კაცხის სვეტი

42 ° 17N 43 ° 12E

კაცხის სვეტი, სადაც, ბოლო ოცდაოთხი წელია, მოხუცი ქართველი ბერი ცხოვრობს, რათა “უფრო ღმერთთანახლოს იყოს”. ბერი იმ საკვებით არსებობს, რომელსაც ქვემოთ მდებარე მონასტერში მისული მოხალისეები აწვდიან.

ქართლი, უფლისციხე

41 ° 58N 44 ° 12E

უფლისციხე,  მიტოვებული კლდეში ნაკვეთი  ქალაქი შიდა ქართლში. უფლისციხე საქართველოს ტერიტორიაზე ერთ-ერთ ყველაზე ადრეულ დასახლებადაა მიჩნეული.

მცხეთა-მთიანეთი, ჯვრის მონასტერი

41 ° 50N 44 ° 44E

ჯვრის მონასტერი დღის პირველ სხივებში ბრწყინავს. მონასტრის ქვემოთ მტკვრისა და არაგვის წყლები ერთმანეთს უერთდება. ფონზე – მცხეთა, საქართველოს უძველესი დედაქალაქი.

ქართლი

41 ° 57N 44 ° 09E

მწყემსებს ცხვრის ფარა სოფლის მყუდრო გზა-ბილიკებზე შეჰყავთ. გადაღებულია გორის მახლობელ მიდამოებში.

თბილისი

41 ° 41N 44 ° 48E

“ქართლის დედა” – არაოფიციალურად,  ,, საქართველოს დედად“ წოდებული ქანდაკება, რომელიც დედაქალაქს ზემოდან დაჰყურებს.

ბათუმი

41 ° 38N 41 ° 40E

ბათუმი შებინდების შემდეგ. აფხაზეთში90-იანი წლების დასაწყისში მომხდარი დაუნდობელი სეპარატისტული ომის შემდეგ, ბათუმმა, სადაც   წყალი არც ისე კამკამა იყო, ხოლო პლაჟები – არც ისე მშვენიერი, როგორც ჩრდილოეთით მდებარე სეპარატისტულ რეგიონში, ყველაფერი იღონა, რათა, მისი ბრჭყვიალა კაზინოებითა და მაღალი შენობებით, ტურიზმის მოსაზიდი უმთავრესი რეგიონის როლი ეტვირთა.

ქუთაისი

42 ° 15N 42 ° 42E

ქუთაისი, საქართველოს სიდიდით მესამე ქალაქი, დილის ნისლში.

ახალციხე

41 ° 38N 42 ° 58E

რაბათის ციხე, რომელიც მრავალი კულტრულის შემრწყმელ ქალაქ ახალციხეს დაჰყურებს. აქ, ერთიმეორისგან ორი ნაბიჯის დაშორებით, შეგიძლიათ ერთად ნახოთ სინაგოგა, ქრისტიანული ეკლესია და მეჩეთი.

ჭიათურა

42 ° 17N 43 ° 17E

დაბლობი ადგილი მრავალჭირნახულ ქალაქ ჭიათურაში, სადაც მანგანუმი მოიპოვება. აქაური ქარხანა გადაამუშავებს ამ იშვიათ წიაღისეულს და საქართველოში და საზღვარგარეთ ტრანსპორტირებისათვის ამზადებს.

Facebook Comments

ასევე წაიკითხეთ