Tbilisidə ruhanilər koronavirusa müharibə elan ediblər
Gürcüstan Pravoslav Kilsəsinin din xadimləri martın 17-də Tbilisi küçələrində dua mərasimləri keçiriblər. Evlərə və səkilərə mübarək su səpərək Tanrıdan insanları koronavirusdan hifz etməsini istəyiblər.
Bununla belə kilsə hələ də heç olmasa epidemiya səngiyənə qədər müvəqqəti olaraq məbədlərdə kütləvi tədbirləri dayandırmaqdan imtina edir.
Koronavirus və Gürcüstan patriarxlığı
Fevralın 15-də Gürcüstanın katolikos-patriarxı İkinci İliya Müqəddəs Üçlük Kafedral Kilsəsində elan edib ki, “bütün dünyanı bürüyən “taunun” Gürcüstandan yan ötməsi təsadüfi deyil” və şükranlıq duası oxuyub.
Amma fevralın 26-da Gürcüstanda ilk koronavirusa yoluxma halı qeydə alınıb. Martın 17-ə qədər artıq 34 nəfər xəstələnib, mindən çox insan karantin altına alınıb.
Buna baxmayaraq, patriarxlıq epidemiya dövründə bir sıra ayin və dini mərasimlərin müxtəlif elementlərindən imtina etmək istəməyib.
Orada bildirilir ki, hazırkı pandemiya bəşər tarixində ilk deyil və kilsə heç vaxt bu səbəblə ənənələrini və dini mərasim elementlərini dəyişməyib, indi də dəyişməyəcək.
Əsasən təmizlənmə zamanı mübarək suyun və şərabın içilməsi üçün hamı üçün bir qaşıqdan istifadə olunması, xaç və ikonaların öpülməsi və s. nəzərdə tutulur.
Axalkalaki və Kumurdo mitropoliti bəyan edib ki, dini təmizlənmə zamanı istifadə olunan şərab antiseptik vasitədir və koronavirusdan qorunmaq üçün kilsə camaatını müqəddəs sudan istifadə etməyə çağırıb.
•Qafqazda koronavirus epidemiyası: region üzrə faktlar və rəqəmlər
•Koronavirusdan necə qorunmalı və təhlükə nədən ibarətdir? Sualların cavabları iki dəqiqəlik videoda
•Koronavirus: Qucaqlaşmaq olmaz, artıq dirsəklə və çəkməylə salamlaşırlar
“Gürcüstanda koronavirusa qalib gələcək” atlı
İkinci İliya koronavirusun Gürcüstandan yan ötdüyünü bəyan edəndən iki gün sonra bazar moizəsi zamanı o, öz qarabasması haqda danışıb.
Patriarxın gözünə havada çapan atlı görünüb. Sonra körpə ovcunda torpaq əzib və alnına sürtüb.
İkinci İliya bildirib ki, bu, Tanrıdan gələn işarədir və insanın xaçın köməyi ilə “tauna” qalib gələcəyindən xəbər verir.
Kilsələrin dezinfeksiyası və kilsə zəngi pandemiyaya qarşı mübarizə vasitəsi kimi
Martın 11-də Ümumdünya Səhiyyə Təşkilatı pandemiya haqda elan edəndən və Gürcüstanda yoluxma halları çoxalandan sonra patriarxlıq kilsələrin dezinfeksiya edilməsi ilə bağlı Xəstəliklərə Nəzarət Milli Mərkəzinə müraciət edib.
•Koronavirus: pandemiya elan edilib. Bu nə deməkdir və nə gözləmək lazımdır?
Hansısa biznesmen patriarxlığa antiseptik bağışlayıb və məbədlər dezinfeksiya olunub.
Patriarxlığın ictimaiyyətlə əlaqələr xidmətinin rəhbəri dyakon Andria Caqmaidzenin bildirdiyinə görə, döşəmə, stullar, qapılar dezinfeksiya edilib, ikonalara və müqəddəs əşyalara isə toxunmayıblar. Amma o deyib ki, bütün bunlar onsuz da hər gün tərkibində spirt olan qızılgül suyu ilə silinir.
Martın 15-də Müqəddəs Üçlük Kafedral Kilsəsində çox sayda inanclıların iştirakı ilə növbəti bazar duası baş tutub. Bazar ayinini patriarxın naibi aparıb. 87 yaşlı İkinci İliyanın ayində niyə iştirak etmədiyi məlum deyil.
Əvəzində isə məlum olub ki, patriarx pandemiyaya qarşı mübarizə məqsədilə tədbirlərin görülməsi haqda qərar qəbul edib:
•İndi günorta bütün kilsələrdə zənglər çalınır.
•Hamı “Atamız… ” və digər duaları oxumalıdır.
•Həmçinin hər gün müqəddəslərin həyatı haqda oxumaq, mübarək sudan istifadə etmək və s. lazımdır.
Bununla belə epidemioloqlar fərqli tövsiyələr verirlər:
•Əlləri tez-tez yumaq,
•Yalnız öz qab-qacağınızdan istifadə etmək.
•Çox insanın toplaşdığı yerlərdən uzaq durmaq.
Gürcüstanın baş naziri Giorgi Qaxariya bəyan edib ki, dünyəvi hakimiyyət kilsə məsələlərinə qarışmaq niyyətində deyil.
“Biz kilsəyə bəzi tövsiyələr vermişik. Amma vəziyyət hələ qadağa xarakterli alətlərdən istifadə edəcək həddə gəlib çatmayıb”, – Qaxariya deyib.
Milli Demokratiya İnstitutunun (NDI) son tədqiqatına əsasən (2020-ci il yanvarın 16-da açıqlanıb), katalikos-patriarx İkinci İliyaya əhalinin 66,3 faizinin etibarı tamdır. Kilsənin reytinqi 50 faiz təşkil edir.
Əhalinin son siyahıya alınmasına əsasən, Gürcüstan əhalisinin 83 faizi pravoslavdır.
Gürcüstanda epidemioloji vəziyyəti nəzərə alaraq Baptist-Yevangelist Kilsəsi ənənəvi təmizlənmə ayinindən imtina edib. Kilsənin yepiskopu Rusudan Qotsiridze “Netqazeti” ilə söhbətində bildirib ki, virusun yayılması təhlükəsi zamanı kilsə camaatı ayin zamanı eyni fincandan istifadə edirmiş.
Gürcüstan Katolik Kilsəsi də eyni qərarı verib.
