"Əliyev düz deyirdi?" Ermənistan Silahlı Qüvvələrinin Dağlıq Qarabağdan çıxarılması haqda
Ermənistan silahlı qüvvələrinin DQ-dan çıxarılması
“Müharibə nəticəsində Ermənistan silahlı qüvvələrinin bir sıra bölmələri Dağlıq Qarabağa köçürülüb. Onlar Ermənistana qayıdırlar, proses sentyabrda başa çatacaq. Müdafiə ordusu isə Dağlıq Qarabağda olub və qalır”, – Ermənistan Təhlükəsizlik Şurasının katibi Armen Qriqoryan Azərbaycan prezidentinin son bəyanatına cavab olaraq bildirib.
İlham Əliyevin sözlərinə görə, Moskva Bakıya erməni hərbi birləşmələrinin 2022-ci ilin iyun ayına kimi Dağlıq Qarabağdan çıxarılacağını vəd edib, lakin məsələ hələ də həllini tapmayıb.
Təhlükəsizlik Şurasının katibi “çox problemli və təhlükəli” bəyanatlar verdi, onlardan biri “əslində deyir ki, bütün bu müddət ərzində Əliyev haqlı idi, biz haqlı deyilik”, politoloq Tiqran Qriqoryan bildirib.
Əliyevin bəyanatlarına Ermənistan Təhlükəsizlik Şurası katibinin cavabı, eləcə də ekspert şərhi.
- Azərbaycan və Ermənistan XİN rəhbərlərinin Tbilisi görüşü: Bakı və Yerevandan şərh
- Azərbaycan Dağlıq Qarabağdan yan keçməklə dünyanın ən uzun tunelini inşa edir?
“Ermənistan SQ-nin Dağlıq Qarabağdan çıxarılması prosesi sentyabrda başa çatacaq”
Ermənistan Təhlükəsizlik Şurasının katibi Armen Qriqoryanın sözlərinə görə, həm əvvəllər, həm də indi Dağlıq Qarabağın təhlükəsizliyinin təmin edilməsi funksiyasını müdafiə ordusu yerinə yetirəcək. Burada yerləşdirilən Rusiya sülhməramlı qüvvələri isə təhlükəsizliyin təminatı kimi çıxış etməlidir.
“Sülhməramlı qüvvələrin mövcudluğu özlüyündə Rusiyanın Dağlıq Qarabağ əhalisinin həyatı üçün real təhlükənin mövcudluğunu etiraf etməsinə dəlalət edir. Sülhməramlı qüvvələr isə Dağlıq Qarabağ ermənilərinin təhlükəsizliyinin təmin edilməsində mühüm əhəmiyyət kəsb edir”, – Armen Qriqoryan “Armenpress”ə müsahibəsində bildirib.
Təhlükəsizlik Şurasının katibi vurğulayıb ki, sentyabrdan Dağlıq Qarabağda Ermənistandan çağırışçı olmayacaq.
Onun sözlərinə görə, Dağlıq Qarabağ sakinləri müdafiə ordusuna çağırılacaq. Həm keçmişdə, həm də indi müqaviləli hərbçilər də DQ-nin silahlı qüvvələrində xidmət edəcəklər.
Armen Qriqoryan atəşkəs əldə edildikdən və Rusiyanın sülhməramlı qüvvələrinin Dağlıq Qarabağa yerləşdirilməsindən sonra Ermənistan Silahlı Qüvvələrinin çıxarılmasını məntiqli sayır.
O deyir ki, Ermənistan Silahlı Qüvvələrinin bölmələri müdafiə ordusuna kömək etmək üçün Dağlıq Qarabağa hərəkət edib. Barışıq müqaviləsi bağlanandan sonra onlar Ermənistana qayıdırlar və bu proses sentyabrda başa çatacaq. Dağlıq Qarabağın keçmişdə olduğu kimi öz ordusu olacaq.
Əliyevin “Moskvanın vədləri” ilə bağlı açıqlaması
İyulun 15-də İlham Əliyev Nazirlər Kabinetinin iclasında çıxış edərək Ermənistan-Azərbaycan münasibətlərinə də toxunub.
“Əgər Ermənistan silahlı birləşmələrini Azərbaycan ərazisindən çıxarmaq istəmirsə, qoy bunu bizə açıq desinlər ki, biz də işmizi bilək. Cavabımız nə olacaq? Yəqin ki, indi bunu demək yersizdir”, – deyə Azərbaycan Prezidenti vurğulayıb.
O, Rusiya hərbi rəhbərliyi ilə görüşlərdə də bu məsələnin qaldırıldığını vurğulayıb. Əliyevin sözlərinə görə, bir neçə ay əvvəl Rusiya Müdafiə Nazirliyinin yüksək rütbəli nümayəndəsi Bakıda olarkən Azərbaycan Müdafiə Nazirliyinə söz verib ki, iyuna kimi Ermənistan silahlı birləşmələri Qarabağdan çıxarılacaq. Lakin problem hələ də həllini tapmayıb.
Şərh
Politoloq Tiqran Qriqoryan hesab edir ki, Ermənistan Təhlükəsizlik Şurasının katibi ilə müsahibənin məqsədi Bakıdan gələn təhdidləri yumşaltmaqdır. Eyni zamanda, politoloq deyir ki, Ermənistandan Dağlıq Qarabağa daha hərbi xidmətə çağırış olmayacağı da heç kim üçün yeni xəbər deyil.
Təhlükəsizlik Şurasının katibi isə sentyabrda qoşunların çıxarılmasını elan etməklə Ermənistan tərəfinin müharibə başa çatdıqdan sonra Dağlıq Qarabağda Ermənistan Silahlı Qüvvələrinin bölmələrinin olmaması barədə iddialarını təkzib edir.
O, iddia edir ki, həqiqətən də Dağlıq Qarabağda Ermənistan Silahlı Qüvvələrinin bölmələri yoxdur və Ermənistandan çağırılan çağırışçılar tezliklə tərxis olunacaqlar.
Politoloq Təhlükəsizlik Şurası katibinin bəyanatını “son dərəcə problemli və təhlükəli” hesab edir. Onun sözlərinə görə, Armen Qriqoryan “faktiki olaraq son dövrlərdə Azərbaycanın destruktiv davranışını qanuniləşdirir”:
“Bu, təbliğat maşını artıq fəal şəkildə müsahibələr yaymaqda olan Azərbaycan üçün əsl hədiyyədir. Bu bəyanat nəinki müharibə təhlükəsini azaltmır, hətta Nikol Paşinyanın dediyi kimi, müharibəni qanuniləşdirir. Bu ifadə əslində deyir ki, Əliyev bütün bu müddət ərzində haqlı idi, biz isə yanılmışıq”.
“Yeri gəlmişkən, Ermənistan tərəfinin bu iddiaları nüfuzlu beynəlxalq təşkilatların hesabatlarında da öz təsdiqini tapıb”, – Tiqran Qriqoryan vurğulayıb.
O, iddia edir ki, həqiqətən də Dağlıq Qarabağda Ermənistan Silahlı Qüvvələrinin bölmələri yoxdur və Ermənistandan çağırılan çağırışçılar tezliklə tərxis olunacaqlar.
Politoloq Təhlükəsizlik Şurası katibinin bəyanatını “son dərəcə problemli və təhlükəli” hesab edir. Onun sözlərinə görə, Armen Qriqoryan “faktiki olaraq son dövrlərdə Azərbaycanın destruktiv davranışını qanuniləşdirir”:
“Bu, təbliğat maşını artıq fəal şəkildə müsahibələr yaymaqda olan Azərbaycan üçün əsl hədiyyədir. Bu bəyanat nəinki müharibə təhlükəsini azaltmır, hətta Nikol Paşinyanın dediyi kimi, müharibəni qanuniləşdirir. Bu ifadə əslində deyir ki, Əliyev bütün bu müddət ərzində haqlı idi, biz isə yanılmışıq”.
