Yerevanda serebral iflicli uşaqlar üçün mərkəz açılıb

“Yerazi tun” (xəyal evi) Reabilitasiya və İnkişaf Mərkəzi USİ-dən əziyyət çəkən uşaqlar və onların valideynlərinə yardım məqsədilə yaradılıb. Valideynlər burada psixoloq konsultasiyası ala biləcək, müxtəlif seminarlarda və kurslarda iştirak edə biləcəklər.

“Yerazi tun” Mərkəzi 2014-cü ildə yaradılıb, amma o zaman qurum ay ərzində ancaq 15 uşağa yardım edə bilirdi. İndi isə Yerevan meriyasının, “Erməni anaları” təşkilatının və bir sıra fərdi şəxslərin dəstəyilə yenidən qurulub və qəyyumluğunda olan 260 uşağa peşəkar dəstək verə biləcək.