Yerevanda 40 dərəcədən yüksək istilər başlayır
Photolure
Yaxın günlərdə Yerevanda gündüzlər 40 dərəcədən yüksək, axşamlar isə 30 dərəcəyə yaxın temperatur olacaq.
“İyunun 29-30-da Yerevanda havanın temperaturu 40 dərəcəyə, iyulun 1-dən isə 41 dərəcəyə çatacaq. Yaxın beş gün ərzində bütün respublika ərazisində, o cümlədən də Yerevada yağıntısız hava şəraiti gözlənilir”, – Ermənistan Hidrometeoroloji Mərkəzinin meteoroloji proqnozlar şöbəsinin rəisi Qaqik Surenyan bildirib.
Fövqəladə Hallar Nazirliyindən həmçinin bildirilib ki, insanlar yüksək isti ilə yanaşı ultrabənövşəyi şüaların təsirinə də məruz qalacaq. Bununla əlaqədar olaraq uzun müddət günəşin altında qalmamaq tövsiyə olunur.
Əgər sinoptiklərin proqnozları doğru çıxarsa, həm özəl, həm də dövlət müəssisələri əməkdaşlarına əlavə fasilələr vermək və onlar üçün müvafiq iş şəraiti yaratmaq məcburiyyətində qalacaqlar.
Ermənistanın Əmək Məcəlləsinə əsasən, “40 dərəcədən yüksək və ya 10 dərəcədən aşağı temperatur zamanı həyata keçirilən iş zamanı işçilər xüsusi fasilələrlə təmin edilməlidirlər”.
Əvvəlki illərdə Yerevan və Ermənistan vilayətlərinin sakinləri sinoptiklərin real temperaturu bildirməməməsindən şikayətlənirdilər. Çoxlarının fikrincə, bu, iş gününün qısalmaması üçün edilirdi.
