Yerevan polisinin PPX alayının ərazisini ələ keçirən qrupa yemək çatdıran Artur Sarqsyan azad edilib

2016-cı il iyulun 17-də polisin PPX alayının ərazisini ələ keçirən “Sasna tsrer” qrupunun üzvlərinə yemək çatdıran Artur Sarqsyan “Məhbuslar üçün xəstəxana” islah müəssisəsindən azad edilib və “Ermənistam” tibb mərkəzinə köçürülüb.

Artur Sarqsyan haqqında seçilmiş həbs qət-imkan tədbirinin şəxsi zaminlik əsasında dəyişdirilməsi ilə bağlı Milli Məclisin 27 deputatı Baş Prokurorliuğa müraciət edib. Onlar arasında “Çiçəklənən Ermənistan”, “Ermənistan Milli Konqressi” “Orinats yerkir” (qanun ölkəsi), “Daşnaksütyun” Ermənistan İnqilab Federasiyası, “İrs” franksiyalarının və heç bir fraksiyaya daxil olmayan deputatlar vardı.

Martın 6-da Ermənistanın baş prokuroru bu deputatlardan altısı ilə görüşüb, onları Sarqsyana qarşı irəli sürülmüş ittihamlarla tanış edib, şəxsi zəmanət əsasında həbs qət-imkan tədbirinin dəyişdirilməsi qaydalarını, zamin duranların hüquq və öhdəliklərini, həmçinin onlarıpn məsuliyyətini izah edib.

Deputatlara Sarqsyanı “Məhbuslar üçün xəstəxana” islah müəssisəsində ziyarət etməyə şərait yaradılıb ki, bundan sonra onlar öz bəyanatlarını təsdiq etsinlər və ya bundanm imtina etsinlər.

“Al plus” xəbər verir ki, altı deputat nəinki öz zaminliyini təsdiq edib, həm də hər biri 500 min dram girov ödəyib.

Baş prokuror Artur Sarqsyan haqqında həbs qət-imkan tədbirinin şəxsi zaminlik əsasında dəyişdirilməsi haqda qərar qəbul edib. Qərar qüvvəyə minəndən sonra Sarqsyan “məhbuslar üçün xəstəxana”dan azad edilib və “Ermənistan” tibb mərkəzinə köçürülüb.

Vəkil Tiqran Yeqoryan xəbər verir ki, Artur Sarqsyanın səhhəti ağır olaraq qiymətləndirilir.