Xüsusi təyinatlılar xəstəxanada – Abxaziyada həkimlər necə və niyə həbs edilib?

Fevralın 15-də xüsusi təyinatlılar dəstəsi itlərlə birlikdə Abxaziyada Respublika Xəstəxanasının rəhbərliyini həbs etmək üçün xəstəxanaya gəlib, amma baş həkim Appolon Qurquliya və onun müavini Georgi Bouba yerində olmayıb.

Abxaziyada həkimlər niyə həbs edilib? Hakimiyyət Qurquliya və Boubanı vəzifə səlahiyyətlərini aşmaqda və 1,2 milyon rublu [16,5 min dollara yaxın] mənimsəməkdə ittiham olunur. Amma cəmiyyət də, parlament də həkimlərin müdafiəsinə qalxıb.

Tibb işçiləri qeyri-proporsional aqressiya haqda bildiriblər

Abxaziyanın səhiyyə cameəsi birgə bəyanatla çıxış edib. Həkimlər xüsusi təyinatlıların xəstəxanaya gəlməsini “bütün səhiyyə cameəsinin … şərəf və ləyaqətinin alçaldılması və təhqir edilməsi” hesab edirlər.

“Ağ xalatlı insanlar quldur deyillər. Mən Respublika Xəstəxanasına gələndə orada 20 nəfərdən çox maskalı adam vardı itlərlə. Məgər həkimləri bu cür saxlamağa ehtiyac vardımı? Bu, ümumilikdə həkimi nüfuzdan salır”, – Uşaq Respublika Xəstəxanasının baş həkimi İqor Copua bildirib.

Bütün tibb müəssisələrinin işiçilərinin imzaladığı sənəd parlamentdə müzakirə mövzusuna çevrilib. Deputatlar dinləmələrə baş prokuror Adqura Aqrbu da dəvət olunub və kəskin tənqid edilib.

Prokuroru ən çox tənqid atəşinə tutan onunla eyni soyadı daşıyan parlamentin dövlət siyasəti komitəsinin sədri Valeri Aqrba olub.

“Xüsusi təyinatlılar, DİN qüvvələrinin, cinayət axtarışı əməkdaşlarınıntətbiqi ilə elə bir qeyri-proporsional aqressiya təşkil ediblər, qolları burublar, saxlamağa çalışıblar, Respublika Xəstəxanasının işini iflic ediblər. Ürək tutması keçirənlər olub”, – o deyib.

Korrupsiya ilə mübarizə imitasiyası üçün “Stalin üsulları”

Sosial şəbəkələrdə hakimiyyəti “Stalin üsullarında” ittiham ediblər. 1950-ci illərin əvvəllərində Sovet İttifaqında tarixə “həkimlərin işi” kimi keçmiş hadisəni xatırlayıblar, həmin vaxt onlarla həkim “partiya və dövlət xadimlərinin qəsdən öldürülməsi” kimi saxta ittihamla həbs edilib.

Prokurorluq “həkim işi” vasitəsilə real korrupsiya ilə mübarizəni imitasiya etməyə çalışır – deputat Valeri Aqrba hesab edir.

Qurquliya və Boubaya münasibətdə on ay müddətində araşdırma aparılıb və nəticədə cinayət işinin qaldırılmasına rədd haqda qətnamə qəbul edilib. Amma fevralın 1-də prokurorluq bu qətnaməni ləğv edib, fevralın 9-da isə cinayət işi qaldırılıb. “Bununla belə, nə Qurquliya, nə də Bouba, nə də Tskuaya heç bir prosessual akt təqdim olunmayıb, yəni onlar öz hüquqlarını müdafiə etmək imkanından məhrum ediblər, axı onlar bunu məhkəmədə mübahisələndirə bilərdilər”, – deputat deyib.

O, prokurorluqdan korrupsiya ilə mübarizənin niyə sırf bir milyon 200 min rubl məbləğində ziyanın olduğu bildirilən Respublika Xəstəxanası halında aparıldığı, amma digər mühüm işlər üzrə araşdırmanın gedişatə haqda məlumat verilmədiyi ilə bağlı suala cavab verilməsini tələb edib.

Debutat bunlar sırasında “Sberbank”da bir milyard rubl [14 milyon dollara yaxın] və Tkuarçal xəstəxanasının təmirində 50 milyon rublun [680 min dollara yaxın] mənimsənildiyi işləri xatırladıb, “buna görə də artıq iki ildən çoxdur ki, uşaq xəstəxanasının inşasına başlamaq mümkün olmur”.

Baş Prokurorluğun reaksiyasının qeyri-adekvat olduğu haqda digər deputat Almas Copua da bildirib. Onun sözlərinə görə, yeddi illik fəaliyyəti müddətində parlamentdə Baş Prokurorluğa Nəzarət Palatasından və parlamentin özündən çox sayda korrupsiya işləri göndərilib və heç bir reaksiya gəlməyib.

Copuanın fikrincə, baş prokurorun istefası məsələsi qoyulmalıdır.

“Deputat şəxsən vəziyyətə müdaxil olub və buna görə də prokuroru tənqid edir”

Deputat Valeri Aqrbanın tənqidini onun qərəzli olması ilə izah etmək olar – baş prokurorun müavini Ruslan Tırkba hesab edir. “Gəlin, həqiqəti sonuna qədər danışaq”, – o bildirib və belə bir olay danışıb:

“Ötən gün Valeri Aqrba Georgi Boubanın müşayiəti ilə şəxsən mənim kabinetimə gəlmişdi. İş hələ qaldırılmamışdı… Siz mənə təklif edirdiz ki, bu tamaşanın fabulasından Georgi Vobuanın adı çıxarılsın. Mən bu haqda danışmaq istəmirdim, amma bu, diqqət tələb edir. Mənim fikrimcə, bu vəziyyətin təşəbbüskarı və partlayıcısı qismən məhz siz olmusuz”.

Deputat Aqrba bu sözləri böhtan adlandırıb, araşdırma tələb edib və deyib ki, bunun naminə deputat toxunulmazlığından imtina etməyə də hazırdır.

“Əgər belə şey olubsa, baş prokurorun müavini mənə qarşı cinayət işi qaldırmağa borclu idi”, – Aqrba deyib və Baş Prokurorluq rəhbərliyinə məsləhət görüb ki, “poqonlarını çıxarsınlar və kovid-mərkəzə gedib oksigen balonları daşısınlar”.

Dərc olunan materialdakı terminlər, toponimlər, fikirlər və ideyalar JAMnews-un və ya ayrı-ayrı əməkdaşlarının fikir və ideyaları ilə üst-üstə düşməyə bilər. JAMnews dərc olunan materiallara yazılan, təhqir, təhdid, zorakılığa çağırış kimi qiymətləndirilə və ya başqa səbəblərdən etnik narazılıq doğura bilən şərhləri silmək haqqını özündə saxlayır