Veqan kafesinin müştərilərinə sosislə işgəncə veriblər

Tbilisidə veqan kafesinə hücum olub. Tbilisinin mərkəzində yerləşən veqan kafesinə bir qrup insan soxularaq, müştərilərə sosis və kabab atır, ofisiant xanımın saçından sürükləyir və qab-qacağı sındırırdılar.

– Onlar qışqırırdılar: “Ət yeyin, gürcü deyilsiz məgər? – özünü Mari kimi təqdim edən və soyadının hallanmasını istəməyən işçilərdən biri danışır.

Bir qədər sonra qonşular da kafe sahibləri və müştərilərinin pirsinq və dredlərini görüb, atomatik olaraq onların davanın səbəbkarı olduqlarını düşünüb, talançılara qoşulur və aranı bir az da qarışdırırlar:

- Onlar heç bizdən nəyin baş verdiyini xəbər almadan, bizi hədələməyə başladılar, başımızı kəsəcəklərini deyirdilər, – kafenin başqa bir işçisi Giorgi Qeqelaşvili danışır. Bir müddət sonra çağırışa gələn patrul xidmətinin əməkdaşları da ilk növbədə öz “hökmlərini çıxardılar:

– Onlar dedilər ki, biz özümüz yoldan keçənlərə sataşırıq, – müştəri xanımlardan biri danışır, – halbuki onlar heç nəyi görmədilər və təxmini də olsa vəziyyəti öyrənmədilər.

Kafe sahibləri və daimi müştərilər hücumçularda öz köhnə tanışlarını – buna qədər də kafeyə tez-tez baş çəkən ultrasağ millətçilər qrupunu tanıdılar.

– Onlar bizim antifaşist və veqan olduğumuzu bilirlər; onlar bizə nifrət edirlər. [Talan vaxtı] onlar bizi hədələyir, tək bizi deyil, ailələrimizi də cazalandıracaqlarını deyirdilər, – Giorgi Qeqelaşvili danışır.

Gürcü ultrasağ millətçilər qruplaşması haqda çox az şey məlumdur, amma sosial şəbəkələr onları böyük fəallıqla müzakirə edir.

“Gürcüstanda iki millətçi kateqoriyası var. Onların əksəriyyəti Rusiya yönlüdür, amma izolyasionits-antiqərbçilər də var, – “Facebookda bunları yazan jurnalist Tengiz Ablotia kafeyə hücum çəkənlərin ikinci kateqoriyaya aid oduğunu düşünür.

“Facebookda bir neçə müzakirə iştirakçısı bildirib ki, Gürcüstanın Müstəqillik günündə Tbilisinin mərkəzi prospekti ilə gürcü ultrasağ qruplaşmasının yürüşünün şahidi olublar, onlar şəkillər də göstərdilər.
Dərc edilib: 31.05.2016