Təyyarəni Ukraynadakı Rusiyapərəst qüvvələr vurub
“Joint Investigation Team beynəlxalq istintaq qrupunun şübhəsi belə yoxdur ki, 17 iyul 2014-cü ildə Ukrayna üzərində “Boeing МН17 tipli sərnişin təyyarəsi məhz Rusiyadan gətirilən “BUK raket qurğusundan vurulub. 298 nəfər həlak olub.
Bu haqda qrup nümayəndələri Haaqadakı mətbuat konfransında iki illik istintaqın nəticələri barədə hesabat verərkən bildiriblər.
Moskva dərhal “Joint Investigation Teamın bəyanatına reaksiya verərək bildirib ki, istintaq həddən artıq böyük spekulyasiya və yoxlanılmamış informasiya ilə müşayiət olunub. “Qəbul və inkar edilməli olan bir şey yoxdur. İlk növbədə, … bu ilkin rəydir, biz yenə də istintaqı davam etdirməliyik. Təəssüf ki, biz heç bir sübut görmədik, – Rusiya prezidentinin mətbuat katibi Dmitri Peskov BBC-yə müsahibəsində deyib.
Bununla belə, istintaqın vahid bir versiyaya gəldiyi, “BUKun raketlə hərəkət etdiyi marşrutu müəyyən etdiyi, həm də qəza ilə əlaqəsi olan şəxsləri üzə çıxardığı bildirilir.
İlkin istintaqın əsas faktları haqqında qısaca (Qromadski TV-nin dərci əsasında tərtib olunub):
Bu, təyyarənin qəsdən məhvidir
Beynəlxalq müstəntiqlər qrupu terror aktı və Malayziya “Boeingnin qəzasına səbəb ola bilən texniki nasazlıq ehtimalını rədd edib.
“Müstəntiqlər iki ssenarini istisna edirlər: texniki nasazlıq və laynerin göyərtəsində terror aktı, – Niderlandın baş prokuroru və istintaqın əlaqələndiricisi Fred Vesterbeke deyib.
O vurğulayıb ki, МН17-nin qəzaya uğradığı anda yaxınlıqda başqa uçuş aparatları olmayıb.
“BUK zenit-raket kompleksi necə işləyir
“BUK Rusiyanın idi
İstintaq qrupu müəyyən edib ki, təyyarə “BUK zenit-raket kompleksindən atılan 9М38 seriyalı raketlə vurulub, həmin kompleks də Dombass ərazisinə Rusiya Federasiyasından gətirilib, faciədən sonra da “ağ Volvo yük maşınında geri qaytarılıb. Şahidlər, şəkillər və video təsdiq edir ki, onu bir neçə başqa maşın və “hərbi geyimli silahlı adamlar müşayiət edib.
Raket “DXR silahlılarının nəzarətində olan ərazidən atılıb
“Boeing МН17-nin vurulduğu “BUK zenit-raket kompleksinin raketi Donetsk vilayətinin Pervomaysk qəsəbəsi yaxınlığında, Rusiyapərəst silahlılarının nəzarəti altında olan ərazidən atılıb.
“Dəqiq yerə gəlincə: biz belə bir nəticəyə gələ bilərik ki, bu ağaclarla əhatə olunmuş 600 kvadrat metr sahəsi olan düzənlikdir. Raket buraxılan zaman həmin yer Rusiyapərəst silahlılarının nəzarəti altında olub, – Niderland polisi istintaq departamentinin başçısı Hilbert Paulissen bildirib.
“BUKun aparıldığı marşrutun və raketin atıldığı yerin rekonstruksiyas
100 şübhəli şəxs
Beynəlxalq birgə istintaq qrupu araşdırma prosesində bu cinayətlə əlaqəli olan yüz şəxsin adını müəyyən edib.
“Hazırda 100 şübhəli və ya vurulan “Boeinglə, raket kompleksinin nəqli ilə bu və ya digər şəkildə əlaqəsi ola biləcək şəxs var. Biz onların şəxsiyyətlərini identifikasiya etdik, bu insanlar ya “BUKu idarə edib, ya da onun buraxılma yerinə gətirilməsi ilə əlaqəlidirlər, – Niderlandın milli prokurorluğunun başçısı Frederik Vesteberke deyib.
Günahkarların adları hələlik açıqlanmayıb
Beynəlxalq birgə istintaq qrupu hələ ki, Rusiyanın bir ölkə kimi və ya onun vətəndaşlarının МН17 sərnişin təyyarəsinin qəzası ilə əlaqəsi haqqında heç bir bəyanat verə bilmir.
“BUKun Rusiyadan gəlməsi və ora qayıtmasından artıq heç nə deyə bilmərik. RF-nin bir ölkə kimi və ya Rusiyadan olan adamların iştirakı barədə hər hansı bir bəyanatla çıxış edə bilmərik, – deyə Vesterbeke bildirib.
İş hələlik məhkəməyə təqdim olunmayıb
İstintaqın materiallarını nəzərdən keçirəcək məhkəmə instansiyasını müəyyən etmək hələlik tezdir.
“Bütün lazımi addımları atsaq əminik ki, bu məhkəmə araşdırması ilə nəticələnəcək və müvafiq ittiham olacaq…. İş bütün maraqlı ölkələr tərəfindən həyata keçirilir və istintaqa ən yaxşı mütəxəssislər cəlb olunub, – Vesterbeke bildirib.
Dərc olunub 30.09.2016
