Türkiyə Şərqi Qüdsdə səfirlik açacaq

Türkiyə prezidenti Rəcəb Tayyib Ərdoğan Şəri Qüdsdə Türkiyə səfirliyi açmaq niyyətini açıqlayıb. O, bunu Türkiyə əyalətlərindən birində hakim Ədalət və Kalqınma Partiyasının üzvlərinə müraciətində bildirib, Reuters xəbər verir.

“Biz artıq Şərqi Qüdsü Fələstin dövlətinin paytaxtı elan etmişik, amma orada səfirliyimizi aça bilməmişik, çünki Qüds hazırda işğal altındadır”, – Ərdoğan bildirib.

Qüds (Yerüsəlim) 1967-ci ildən şəhəri öz paytaxtı hesab edən İsrailin nəzarətindədir. BMT bunu tanımır və Şərqi Qüdsü işğal olunmuş ərazi hesab edir.

Dekabrın əvvəlində Amerika prezidenti Donald Tramp ABŞ səfirliyini Tel-Əvivdən Qüdsə köçürmək istədiyini bəyan edərək, Şərqi Qüdsü İsrail ərazisi kimi tanıyandan sora Qüds ətrafında artıq 50 ildir ki davam edən münaqişə aktiv fazaya keçib.

Dünənki bəyanatında Ərdoğan bir neçə dəfə vurğulayıb ki, Trampın qərarının sionist maraqlardan doğub.

Bir neçə gün əvvəl İslam Əməkdaşlığı Təşkilatının (İƏT) növbədənkənar sammitində Şərqi Qüdsün statusu məsələsi müzakirə olunub. İƏT Şərqi Qüdsü Fələstin dövlətinin paytaxtı olaraq tanıyıb, sammitdə çıxış edən Rəcəb Tayyib Ərdoğan isə İsraili terrorçu dövlət adlandırıb.

İƏT tərkibinə Azərbaycan da daxil olmaqla 57 dövlət daxildir.