Timatinin məyus pərəstişkarları səhnəyə butulka tolazlayıblar

Dünən axşam məşhur rusiyalı reper Yerevanda çıxış etməli idi, amma o səhnəyə çıxmayıb. Konsertdə Blak Star-ın qalan ulduzları çıxış edib: Kristina Si-Sarkisyan, L’ONE və MOT.

Fanatlar Timatinin sonda olsa da səhnəyə çıxacağını düşünərək bir neçə saat sürpriz ümidi ilə gözləyiblər, amma çifayda.

Təşkilatçılar yalnız axşamın sonunda elan ediblər ki, texniki səbəblər üzündən Timati çıxış edə bilmir. Qəzəbli pərəstişkarlar səhnəyə butulka tolazlayıblar.

https://www.youtube.com/watch?v=ujI4ZurWTOk

Video: armtimes.com

Daha sonra Timati Instagramda təchizat bloku yandığı və musiqi kartları islandığı üçün səhnəyə çıxa bilmədiyini yazıb.

“Biz konserti başqa günə keçiririk və gələn həftə vaxtını elan edəcəyik. Biletlərinizi saxlayın. Bizdən asılı olmayan səbəblər üzündən baş vermiş bu insidentə görə bütün komandamız adından sizdən üzr istəyirəm”, – reper yazıb.