Tbilisiyə uğursuz səfərindən sonra rusiyalı jurnalist Pozneri Abxaziyaya dəvət ediblər
Doğum gününü Tbilisidə qeyd etmək istəyən, amma etirazlar üzündən Gürcüstanı tərk etməli olan rusiyalı jurnalist Vladimir Pozneri Abxaziyaya dəvət ediblər.
Vladimir Poznerin Gürcüstanda etirazlarla qarşılaşmasının onun Abxaziya məsələsinə münasibətinin səbəb olması Abxaziyada diqqət çəkib.
Üstəlik Poznerin aprelin 1-də qeyd etdiyi doğum günü ilə bağlı təbriklərlə yanaşı onu qonaq dəvət edənlər sırasında Abxaziyanın hazırkı prezidenti Aslan Bjaniya və müxalifət lideri Adqur Ardzinba, Turizm Nazirliyi, hətta yerli Jurnalistlər İttifaqı da olub.
“Abxaziya sakinləri Tbisilini ziyarət etdiyiniz zaman Sizin ətrafınızda yaranan vəziyyətə təəccüblənib. Qafqaz xalqlarının əsrlərdən qalma bütün ənənələrini pozan qafqazlı adlanan insanların əməlləri ancaq qəzəb doğura bilər. Hörmətli Vladimir Vladimiroviç, Abxaziyada sizi həmişə gözləyirlər. Mən Sizin üçün uyğun olan zamanda Sizi respublikaya qonaq dəvət edirəm”, – prezident Aslan Bjaniyanın məktubunda deyilir.
Martın 31-də 87 yaşını qeyd etmək üçün Tbilisiyə gələn rusiyalı jurnalist Vladimir Pozner qızğın vətəndaş etirazları fonunda Gürcüstanın paytaxtını tərk edib. Vladimir Poznerlə birlikdə Tbilisiyə onun 50 dostu da gəlmişdi.
Vətəndaşların və aktivistlərin narazılığının səbəbi Poznerin Abxaziya və Cənubi Osetiya məsələləri ilə bağlı mövqeyidir. Rusiyalı jurnalist tez-tez müsahibələrində Abxaziya və Cənubi Osetiyanı Gürcüstanın tərkibində görmədiyini bildirib.
- Şərh: İspan utancı, yaxud hakimiyyət və “Abxaziya Gürcüstandır” videosu haqda hekayə
- Gürcü-abxaz münaqişəsi: həll yolu və danışıqlar görünmür
Məqalə müəllifinin təqdim etdiyi terminlər, toponimlər, fikir və ideyalar onun özünə məxsusdur, JAMnews və ya ayrı-ayrı əməkdaşlarının fikir və ideyaları ilə üst-üstə düşməyə də bilər. Məqaləyə yazılan təhqir, təhdid, zorakılığa çağırış kimi dəyərləndirilən və ya başqa səbəbdən etik sayılmayan şərhləri silmək haqqını JAMnews özündə saxlayır.
