Tbilisidə müxalifətçiyə atəş açıblar

Bu gün naməlum şəxslər tərəfindən yaralanan müxalifətçi “Azad demokratlar partiyasının liderlərindən biri, Gürcüstanın Avropa inteqrasiyası üzrə keçmiş dövlət naziri Aleksi Petriaşvilinin vəziyyətini həkimlər ağır kimi qiymətləndirirlər.

Gürcüstan DİN-nin məlumatına görə, hadisə Tbilisidə, Saburtalo qəbiristanlığının ərazisində Petriaşvili öz dostu, gürcü diplomatı Levan Mikeladzenin qəbrini ziyarət edən zaman baş verib.

Naməlum şəxslər Aleksi Petriaşivliyə hücum etdilər, onu döydülər, sonra da ayaqlarını güllə ilə vurdular, güllə onun kürək nahiyəsinə də dəyib. Həkimlər Petriaşvilinin vəziyyətinin stabil olduğunu deyirlər.

İlkin məlumata görə, hücum zamanı Petriaşvili qəbiristanlıqda üş dostu ilə birlikdə idi.

Cinayət işi qaldırılıb.