Tbilisidə havada qurğuşun var. Tədqiqat nəticələri

“Ekoxedva” (“Eko-nəzər”) qeyri-hökumət təşkilatı Tbilisi havasının laborator tədqiqatını aparıb və paytaxt havasında qurğuşun olduğunu aşkarlayıb.

Mütəxəssislər həyəcan təbili çalır – qurğuşun insan orqanizmindən çox çətinliklə xaric olur, onun toplanmaq xüsusiyyəti var və hər nəfəs aldıqca bədəndəki miqdarı artır. Məhz buna görə, əldə olunmuş göstəricilər baş verənlər haqda ciddi düşünməyə vadar edir.

Hava nümunələrinin tədqiqi aşağıdakı nəticələrə gətirib çıxarıb: Tbilisi havasının tərkibində qurğuşun mümkün normaya çatır (0,3 mkq/m3), bəzi yerlərdə isə normanı aşır (0,6 mkq/m3), Azadlıq Radiosu xəbər verir. 

“Ekoxedva” tədqiqatı iyun-iyul aylarında Tbilisinin bir neçə rayonunda – Qəhrəmanlar Meydanı, Lisi gölü, Vake və Diqomi parklarında həyata keçirib. Üstəlik həmin vaxt Diqomidə bir neçə inşaat obyekti olub.

Tədqiqatın gedişatında məlum olub ki, ən çox qurğuşun məhz inşaatların ətrafında toplanıb.

Qəhrəmanlar Meydanında da estakadanın yanında pik saatında qurğuşunun həcmi çox olub. Elə oradaca havada digər təhlükəli maddə – azot dioksidinin də olduğu aşkarlanıb.

Bu, Tbilisi havasında ilk qurğuşun yığılması halı deyil. Bununla 2008-ci ildən Tbilisidə Milli Ətraf Mühit Agentliyi məşğul olur, onların nəticələri indiyə qədər narahatlıq doğurmayıb.  

____________

Gürcüstanda qanda qurğuşunun olması məsələsi milli mətbəxdə istifadə olunan ədviyyatlarda qurğuşunun olması haqda məlumat açıqlanandan sonra aktuallaşıb.

İlk dəfə bu haqda  on.ge nəşri ABŞ-ın Səhiyyə Departamentinə istinadən məlumat verib, daha sonra isə  «İmedi» telekanalı tədqiqat nəticələrini açıqlayıb və bu nəticələrə əsasən, ədviyyatlarda böyük həcmdə qurğuşun aşkarlanıb.

Yeni tendensiya yaranıb, Gürcüstanda yaşayan əcnəbilər, diplomatik korpus nümayəndələri tərkibində qurğuşunun olub-olmamasını müəyyən etmək üçün qan analizi verməyə başlayıblar.

Sentyabrın əvvəlində Estoniya səfiri Kay Kaarelson bu cür analiz verib və onun qanında səfirliyin digər əməkdaşlarında olduğu kimi yüksək miqdarda qurğuşun aşkarlanıb. Diplomat bunu Gütcüstanda yaşaması ilə əlaqələndirir.

Estoniya konsulu Yurqo Los deyir ki, Tbilisidə çox vaxt piyada gəzir və məhz bu, onun orqanizmində qurğuşun həcminin təhlükəli həddə qədər yüksəlməsinə səbəb olub. “Rustavi-2” teleşirkətinin süjetində diplomat bildirib ki, Tbilisi küçələrində hava çirklənib və qurğuşun orqanizmə nəfəs yolları vasitəsilə daxil olur.

Direktor Lora Torntonun onun və Gürcüstanda yaşayan bir neçə dostunun qanında yüksək səviyyədə qurğuşun aşkarlandığı hada statusu böyük təşviş doğurub. “Gürcüstanlı dostlar, xahiş edirəm, qurğuşunun olub-olaması ilə bağlı qan analizi verin. Mən və dostlarım bunu etdik və bu təhlükəli maddənin orqanizmimizdə mümükün normadan yüksək olduğu aşkarlandı”, – Tornton yazıb. Onun szlərinə görə, orqanizmin bu cür zəhərlənməsi “gürcüstanlı sürücülərin istifadə etdiyi yanacağın keyfiyyətsiz olması ilə bağlıdır”.