Tbilisi meri oktyabrın sonunda seçiləcək. Namizədlər arasında Kanada şerifi də var

Gürcüstan prezidenti Georgi Marqvelaşvili yerli özünüidarə seçkilərinin təqribi vaxtını elan edib. Seçkilər oktyabrın üçüncü həftəsinin sonunda baş tutmalıdır.

Dəqiq tarix ancaq avqustda elan olunacaq, seçki tarixini prezident baş nazirlə razılaşdıraraq təyin edir.

Təqribi seçki tarixinin təyin edilməsini prezident onunla izah edib ki, siyasi partiyaların təqvimi və seçki kampaniyası büdcəsini lazımınca planlaşdırmaq üçün imkanı olacaq.    

Oktyabrda Gürcüstan vətəndaşları Tbilisi merini və daha 11 şəhər və rayonun başçısını seçəcək. Paralel olaraq yerli özünüidarənin məşvərət orqanına – Sakrebulo – seçkilər keçiriləcək.

Qaydalara uyğun olaraq, seçkiqabağı kampaniyanı seçki günündən 60 gün əvvəl başlamaq olar.

İki partiya paytaxt meri vəzifəsinə öz namizədini artıq rəsmən təqdim edib.

Ən birinci müraciəti hələ may ayında “Avropa Gürcüstanı” partiyası (2017-ci ilin yanvarında Saakaşvilinin partiyasını tərk etmiş keçmiş silahdaşları) edib. “Avropa Gürcüstanı”nın namizədi Mixali Saakaşvili hökumətində Gürcüstanın Avropaya və Avro-atlantika strukturlarına  inteqrasiya üzrə keçmiş dövlət naziri Elene Xoştariyadır.

Ötən gün Saakaşvilinin “Vahid Milli Hərəkat” partiyası da namizədini irəli sürüb. Bu, “Rustavi” teleşirkətinin aparıcısı Zaal Udumaşvilidir. Udumaşvili siyasətdə yenidir, amma 25 illik televiziya karyerası sayəsində onu Gürcüstanda yaxşı tanıyırlar.

Hakim partiya öz namizədini iyulun 1-də rəsmən təqdim etmək niyyətindədir. Çox güman ki, bu, baş nazirin müavini, keçmiş məşhur futbolçu Kaxa Kaladze olacaq. Ötən istirahət günlərində Gürcüstanın baş naziri Georgi Kvitikaşvili ona yeni siyasi planlarında uğur diləyib.

Seçkiqabağı mübarizəyə sakrebulonun (yerli özünüidarə) müstəqil dputatı Alekolisaşvili də qoşulmaq istəyir. Daha əvvəl Elisaşvili bəyan etmişdi ki, o, seçkilərdə iştirak etsə də, ancaq müstəqil namizəd kimi iştirak edəcək.

Gürcüstan paytaxtının meri vəzifəsinə daha bir mümkün və gözlənilməz namizəd Merab Tabidzedir, o, hazırda Kanadanın Kalqari şəhərciyində polis şerifi işləyir.

Seçkilərdə iştirak etmək niyyəti haqda kanadalı şerif Azadlıq Radiosunun Gürcüstan xidmətinə bildirib. Artıq 26 ildir ki, Kanada vətəndaşı olan şerif Gürcüstan vətəndaşlığını bərpa edə bilərsə bu, mümkün olacaq.