Təxminən 700 dövlət qulluqçusu Gürcüstanda siyasi səbəblərlə işdən çıxarılıb — Transparency International

700 dövlət qulluqçusu siyasi səbəblərlə işdən çıxarılıb

Transparency International Gürcüstan (TI) təşkilatının araşdırmasına görə, dövlət qulluqçularına qarşı repressiyalar, “Gürcü Arzusu” partiyasının ölkədəki etiraz dalğasını boğmaq cəhdlərinin əsas istiqamətlərindən biridir. TI bildirir ki, siyasi motivli işdən çıxarılmalar onlarla dövlət qurumunda çalışan təxminən 700 əməkdaşı əhatə edib.

Təşkilatın məlumatına əsasən, 2024-cü ilin dekabrından etibarən “Gürcü Arzusu” dörd dəfə “Dövlət Xidməti haqqında” qanuna repressiv dəyişikliklər edib. Bu dəyişikliklər dövlət qulluqçularının hüquqi müdafiəsini ciddi şəkildə zəiflədib və illərlə beynəlxalq təşkilatların dəstəyi ilə həyata keçirilən və ölkənin Avropa strukturlarına inteqrasiyası üçün zəruri hesab edilən dövlət xidməti islahatını faktiki olaraq ləğv edib.

Avropa Şurası Konqresi Gürcüstanla bağlı tənqidi qətnamə qəbul etdi

Konqres demokratik geriləmənin açıq əlamətlərindən və Gürcüstanın insan haqlarını zəiflətməsindən narahatlığını ifadə edir.

Transparency International hesabatı barədə daha ətraflı:

● Repressiyalar onlarla dövlət qurumunda çalışan təxminən 700 əməkdaşı əhatə edib.

Siyasi səbəblərlə onlarla dövlət qurumundan təxminən 700 əməkdaş işdən çıxarılıb. Ən çox əməkdaşın işdən azad edildiyi qurumlar bunlardır: Müdafiə Nazirliyi, Tbilisi meriyası və ona tabe olan ictimai hüquqi şəxslər, Ədliyyə Evi, Milli İctimai Reyestr Agentliyi, Milli Probasiya Agentliyi, Mərkəzi Seçki Komissiyası (MSK), Siqnaxi, Laqodexi və Adigeni bələdiyyələri, Acarıstanın Maliyyə və İqtisadiyyat Nazirliyi, Acarıstan Turizm və Kurortlar Departamenti, Gürcüstan Ədliyyə Ali Şurası, Hökumət Administrasiyası, Şəxsi Məlumatların Müdafiəsi Xidməti. Həmçinin Gürcüstan parlamentinin Dövlət Xidməti Bürosu və Araşdırma Mərkəzi ləğv olunub.

Bu qurumlarda əsasən yenidən təşkilatlanma, müqavilə müddətlərinin başa çatması və ya digər formal səbəblərlə Avropa inteqrasiyasının dayandırılmasına qarşı bəyanat imzalayan və ya açıq şəkildə hökumətin siyasətini tənqid edən əməkdaşlar işdən azad edilib və ya vəzifələrindən kənarlaşdırılıb.

AŞPA Gürcüstanla bağlı yeni qətnamə qəbul etdi, FARA və digər məhdudlaşdırıcı qanunları qınadı

AŞPA dinc nümayişçilər, jurnalistlər və vətəndaş cəmiyyəti liderlərinə qarşı həbs, cinayət təqibini qınayır

● “Dövlət Xidməti haqqında” qanuna edilən dəyişikliklərlə dövlət qulluqçularının hüquqi müdafiə təminatları ləğv olunub.

Orta səviyyəli menecerlərin işdən çıxarılması üçün artıq hüquqi əsas tələb olunmur — onları cəmi üç günlük xəbərdarlıqla işdən azad etmək mümkündür.

Vacib vəzifələrə müsabiqəsiz təyinat praktikasına qayıdılıb.

Yenidən təşkilatlanma prosesi sadələşdirilib — əgər şəxs bu səbəbdən qeyri-qanuni olaraq işdən çıxarılıbsa, ona yalnız bir aylıq kompensasiya ödənilir.

Diplomatik xidmətdə olan şəxslər artıq ömürlük təyin edilən dövlət qulluqçusu hesab olunmur və nazir istefaya getdikdən sonra onlar da vəzifədən azad edilir.

"Opponentlərinizi həbs edərək demokratik mandant ala bilməzsiniz" – ABŞ Dövlət Departamenti

“Biz ABŞ maraqlarını inkişaf etdirmək məqsədilə Gürcüstanla əlaqədar siyasətimizi qiymətləndirməyə davam edəcəyik”

● Repressiv qanun dəyişiklikləri yaradıcı və akademik məkanlara nəzarəti hədəfləyir

Qanunvericiliyə edilən repressiv dəyişikliklər peşəkar teatrların yaradıcı kollektivlərini teatr rejissorlarının seçimi prosesində iştirak hüququndan məhrum edir. Dəyişikliklərə görə teatr direktorlarını məmurlar — nazir və ya mer tərəfindən öz istəklərinə əsasən təyin və azad edirlər.

Bundan başqa, dövlət qulluqçuları elmi, pedaqoji və yaradıcı fəaliyyətlə yalnız aidiyyəti qurumun rəhbərinin yazılı razılığı ilə məşğul ola bilərlər.

700 dövlət qulluqçusu siyasətə görə işdən çıxarılıb
Gürcüstandakı xəbərlər və hadisələr