Səməni bayramın əsas simvoludur
Novruz ocaqdan tullanma, bol-bol kalorili şirniyyatlar və əlbəttə ki, hər bir masada xonça deməkdir. Xonça şirniyyat, qoz-fındıq və quru meyvələrlə dolu, mərkəzində də bayramın əsas simvolu səməni olan sinidir. Qədim dövrlərdə bu bayramın praktiki əhəmiyyəti olub – bu zaman buğdanı 20 gün ərzində boşqabın içində cücərtməklə, məhsulun bol olub-olmayacağını gözləyirdilər. İndi səməni Novruzun dekorativ elementinə çevrilib. O, həm də hər bir satıcının daha gözəl bəzəməyə can atdığı kommersiya məhsuludur.
Şəhərin mərkəzində o tərtibatından, formasından və ölçülərindən asılı olmayaraq, 1-2 dollardan 20 dollara qədər qiymətə satılır.
