“Street Workout” Gənclər hərəkatı

İdman meydançalarında, küçələrdə, parklarda və hətta metroda – onlar hava şəraitinə fikir vermədən, hər gün və hər saat məşq edirlər. Ermənistanda son dörd il ərzində geniş yayılan bu idman növü “Street Workout adlanır. Əsas ideya ondan ibarətdir ki, küçədə, əl altında olan istənilən vasitələrdən istifadə etməklə məşq edirsən. Bu idman növü ilə dünyanın bir çox ölkəsində məşğul olurlar, postsovet ölkələrində o xüsusiylə populyardır. İdmançıların növbəti toplanışı onlarla görüş üçün yaxşı bir bəhanə oldu.

Artur Harutunyan (“Street Workout Armenia hərəkatının yaradıcılarından biri)

“Biz 2012-ci ildə “Street Workoutun erməni federasiyasını yenicə yaradanda onlarla idmançımız varıydı. İndi isə atletlərin sayı bir neçə minə yaxındır.

Kazar Hakopyan (“Street Workout Armenia hərəkatının yaradıcılarından biri)

“Bu idman meydançası federasiyanın yarandığı ildə tikilib. Parkda aparılan yenidənqurma işləri zamanı bizə yardım etmək məsədiylə idman avadanlığının alınması və burada yerləşdirilməsi üçün vəsait ayırdılar. Burada ilin 12 ayı qələbəlik olur: həm bizim idmançılar, həm də bizimlə heç bir əlaqəsi olmayan adamlar, kimin ürəyindən keçirsə, hamı məşq edir.

Sos və Sarkis qardaşları

Sarkis artıq çoxdandır ki, məşq edən qardaşı Sosdan nümunə götürərək, iki ay əvvəl məşq etməyə başlayıb. Məktəbdə dərslər bitəndən sonra əkiz qardaşlar əksər vaxtlarda bir-biriylə yarışmaq və özlərinin icad etdiyi yeni hərəkətlərlə dostlarını təəccübləndirmək üçün bura tələsirlər.

Rəfiqələr – Toma, Anna və Seda

Bu qızlar “Street Workout Armenianın fəxridirlər. Əvvəlcə komandaya Toma və Anna qoşuldular, sonra Sedanı da özləri ilə gətirdilər. Deyirlər ki, məşqlər daha qamətli olmağa, həm də fiziki formanı yaxşılaşdırmağa kömək edir ki, lazım olan vaxt özünü müdafiə edə biləsən.

Qaçış

Qışda məşqə başlamazdan əvvəl əzələləri qızışdırmaq üçün bir neçə dairə qaçmaq lazımdır: soyuq havada əzələlər daha kövrək olur və zədə almaq riski daha böyük olur.

İsinmə hərəkətləri

Qaçışdan sonra gimnastika və ümumi isinmə hərəkətləri gəlir, yenə də hamı birlikdə və əhvalı yaxşılaşdırmaq üçün musiqi sədaları altında məşq edir. Qışın soyuq çağında bu xüsusiylə aktualdır.

Freestyle

Məşqin son mərhələsini atletlər freestyle adlandırır: hamı bir-birinin ardınca özlərinin yeni hərəkət və fəndlərini nümayiş etdirir. Uşaqlar əminliklə deyir ki, bu zaman təhlükəsizlik qaydalarına tam riayət edirlər.

Selfie – xatirə fotosu

Sonda da artıq ənənəyə çevrilən ümumi foto, sonradan onu sosial şəbəkələrdə – Facebook, Instagram – yaymaq və öyünmək üçün. Niyə də ki, yox.