Azərbaycan Ermənistanın keçmiş müdafiə nazirini beynəlxalq axtarışa verdi

Azərbaycan hüquq-mühafizə orqanları Ermənistanın keçmiş müdafiə naziri Seyran Ohanyan barəsində axtarış elan edib. Onun barəsində Cinayət Məcəlləsinin 103-cü (soyqırımı) maddəsi ilə cinayət işinə başlanılıb.

Təqdimata noyabrın 11-də Bakı Hərbi Məhkəməsində baxılıb. Təqdimat məhkəmə tərəfindən təmin edilib və Seyran Ohanyan barəsində qiyabi həbs-qətimkan tədbiri seçilib. Ohanyanın saxlanılması üçün barəsində beynəlxalq axtarış elan edilib.

58 yaşlı keçmiş nazir Şuşada doğulub. Təhsilini Bakı Ali Ümumqoşun Komandirləri Məktəbində alıb. Seyran Ohanyan 2008-2016-cı illərdə Ermənistanın müdafiə naziri olub.

Onun və oğlunun Qarabağdakı son döyüşlərdə yaralanması barədə məlumatlar yayılıb.