Serj Sarqsyan bəyan edib: Ermənistan istənilən güc tətbiqinə eyni səviyyədə cavab verməyə hazırdır

Belçikada işgüzar səfərdə olan Ermənistan prezidenti Serj Sarqsyan Karnegi fondunda çıxış edərkən Qarabağ münaqişəsi mövzusuna toxunub. O qeyd edib ki, Ermənistan Dağlıq Qarabağın təhlükəsizlik qarantı kimi Azərbaycan tərəfindən istənilən güc tətbiqi cəhdlərinə eyni səviyədə cavab verməyə hazırdır, bu ölkənin yeni hərbi avantüraları elə özü üçün gözlənilməz nəticələrə gətirib çıxara bilər.

Prezidentin sözlərinə görə, 2016-cı ilin dörd günlük müharibəsi Bakının illər boyu yürütdüyü hərbi siyasətinin və təbliğatının gerçəkləşməsi olub ki, bu da öz növbəsində münaqişənin nizamlanması prosesinə böyük zərbə vurub: “Azərbaycanın aqressiyası yenidən sübut etdi: artsax xalqının öz torpaqlarında təhlükəsiz və azad yaşaması uğrunda mübarizəsinin alternativi olmayıb, olmayacaq da. Bu bir fikir deyil, sadəcə Azərbaycan tərəfinin həyata keçirdiyi və bizə sırıdığı siyasətin nəticəsidir”.

Prezident qeyd edib ki, özünə sadiq qalan Azərbaycan aprel müharibəsindən sonra Vyanada və Sankt-Peterburqda keçirilmiş görüşlər zamanı əldə edilmiş razılığa əməl etməkdən qaçır və bəyan edir ki, guya onun icrası Dağlıq Qarabağda yaranmış statis-kvonun möhkəmlənməsinə gətirib çıxaracaq: “Əgər Azərbaycan, həqiqətən də, Dağlıq Qarabağda status-kvonun dəyişdirilməsindən qayğılanıbsa, onda onun dəyişdirilməsi üçün bircə yol var: Qarabağ xalqının öz müqəddəratını təyin etmək hüququ öz ixtiyarına buraxılsın.

Prezidentin fikrincə, Bakı Qarabağ münaqişəsindən ictimaiyyətin diqqətini daxili problemlərdən – günü-günü mürəkkəbləşən sosial-iqtisadi vəziyyətlə  və insan hüquqlarının kobudcasına pozulması ilə bağlı yaranmış narazılıqlardan yayındırmaq üçün istifadə edir. Lakin səmimi dəqiqələr də olur:

“Bunlardan biri zamanı Azərbaycan prezidenti özünü tabeliyində olanlara yaxşı tərəfdən nümayiş etdirmək cəhdi ilə açıq-aşkar etiraf edib ki, danışıqların bağlı qapıları arxasında onu Dağlıq Qarabağın müstəqilliyini tanımağa məcbur edirlər və təkcə o, ATƏT-in Minsk qrupunun həmsədr ölkələrinin təzyiqinə qarşı dura bilir. ATƏT-in Mins qrupunun həmsədrlərinin, bir vasitəçi kimi, həm də münaqişə zonasında mümkün ola biləcək eskalasiyanın qarşısını almaq kimi bir öhdəliyi var. Top atəşləri altında keçən danışıqlar çox şey vəd edə bilməz”.

Prezident qeyd edib ki, həm Artsax, hım də Ermənistan prinsipial olaraq güc tətbiqinə qarşıdır və Qarabağ münaqişəsinin tezliklə sülh yolu ilə nizamlanmasının tərəfdarıdır.

Məqalədə söylənilmiş fikirlər müəllifin terminologiyası və baxışlarının göstəricisidir və redaksiyanın mövqeyini əks etdirməyə bilər